港鐵路線貫通香港，係大多數人返工返學嘅必然選擇。所以有港鐵站加持嘅屋苑，往往都係買樓人士嘅熱門之選。今次嚟到將軍澳另一邊，睇下呢度有邊啲好盤源？
由港鐵牽頭發展嘅日出康城，近年已經成為好多中產置業人士嘅心頭好。能夠令人聚焦將軍澳北，其中一個主要原因，絕對係呢個專為屋苑而建嘅「康城」港鐵站。臨海而建，遠離繁囂嘅世外桃源，由地鐵上車，去到中環都只係20幾分鐘。而喺日出康城站上蓋嘅緻藍天，更加備受買家追捧。
2015年入伙嘅緻藍天，屋苑總數為8座，提供1600多個單位。而單位開則主打3-4房戶，所以深受換樓人士歡迎。同時，亦提供罕見4房雙套，適合對生活有更高追求嘅買家。緻藍天另一個吸引之處在於開揚嘅景觀，單邊設計可以令住戶可以飽覽鯉魚門，將軍澳公園等等優質靚景。除咗港鐵之外，附近嘅巴士線路亦不斷擴增，配合埋即將落成嘅將軍澳-藍田隧道，交通組合勢必更上一層樓。
日出康城站附近亦有性價比高嘅屋苑提供，例如峻瀅。距離康城站10分鐘嘅峻瀅，分兩期發展 第一期分六座，提供大約1700幾個單位，以兩房實用單位為主。第二期以三座大廈組成，提供800幾個單位，主打兩房及三房套房。由於峻瀅靠山而建，令住戶可以盡享清水灣山景同清新空氣。 配合埋15萬呎嘅住客會所，每日都會有住放假嘅感覺。交通方面，屋苑距離康城站大約10分鐘距離，頭站出車，大把位坐。樓下亦有唔少巴士同小巴往返將軍澳、坑口，出門選擇更多。
離開康城站，轉頭就去到將軍澳站，一出站，抬頭就望到屋苑君傲灣。君傲灣只有三座大廈，但係就提供接近1500個單位，全因屋苑向高發展，最高樓層去到57樓。單位間隔分有兩房及三房，當中主攻係兩房嘅標準單位，不過無論乜嘢戶型，單位都會有自己嘅露台。屋苑最令人羨慕之一，就係樓下基座已經係區內大型購物商場Popcorn！
由超市、戲院、商鋪等等超過100間商店打造嘅商圈，成為區內大型休閒購物地標。講到交通的，君傲灣同將軍澳站都只係相距1至2分鐘嘅路程，無論返工返學，出門嘅時間都更有彈性。而旁邊同樣都係2分鐘左右距離，就係將軍澳公共交通中心，有多條巴士、小巴線路往來港九，以及鄰近區域。 地理條件咁優厚，難怪君傲灣係區內人氣一直長期高企！
聽完今次嘅介紹，係咪仲想知多啲呢？