【1% Anthony】買樓好難

讀者來信

Anthony Sir你好!我身邊個個朋友都覺得買樓好難,大部份人都覺得無置業希望,你會如何勸免年青人呢?

 

回覆讀者來信

是的,身邊很多年青朋友都覺得買樓好難!首先要搞清楚:真係好難?還是覺得好難?

 

甚麼是…真係好難?

如果你身邊的人,個個都做唔到,整個香港甚至整個世界,只有極少數、極少數人可以做得到,你可以話…真係好難!例如成功攀上珠穆朗瑪峰,例如10秒內跑完100米,事實上真係好少人做得到,最少我們身邊,未必有人做得到!

 

甚麼是…覺得好難?

然而買樓呢?我們身邊有很多人做得到啊!

以筆者的學員為例,就算沒有父幹,沒有母幹,普普通通打份工的年青人,只要努力學習,敢於實踐,就用我們教的方法,基本上超過八成年青學員,一、兩年內就可以成功買樓上車!

看看最近大圍的新盤,排隊睇樓都要排8小時,賣幾百伙,收票收逾2萬張!仲未計其他新樓盤,仲未計同期其他二手樓成交,即是說,有數以萬計的人做得到!點會難呢?

所以買樓嘛,並非真係好難,只係你覺得好難!

點解你會覺得難呢?每個人都有唔同原因!

可能因為你身邊的人都不是物業投資者,他們都覺得買樓好難,令到你由細到大耳濡目染,根深蒂固,睇番轉頭,原來你問嘅所謂親戚朋友,自己都冇乜買過樓,就舉手搶答搶住教你。可能因為你睇咗好多傳媒的負面報導,例如甚麼不吃不喝21年才買到樓等,中毒已深。又可能因為你出來社會工作不久,收入仍然好低,還未想到方法突破思想框框,覺得儲首期好難。

 

你要不斷去問自己兩個問題…

點解咁多人做到?好明顯唔係真係想像中咁難!

點解自己做唔到?好明顯人哋有啲方法,自己唔識!

歸根究底,就是你身邊沒有一些成功的投資者,告訴你怎麼做!又或者你聽咗之後,當耳邊風,左耳入、右耳出,沒有用心地去學習與實踐,例如有些網友說:「我都睇咗好多關於買樓嘅書,亦都上網睇咗好多專家嘅分析同教學,識啦!」

 

還好,最少你願意去學習,但學咗唔等於做咗…

事實上,今時今日要學習買樓知識,上網可以找得很多,點解你仲係買唔到?仲係覺得好難?點解筆者咁多年青學員來到一兩年內就做得到?很多甚至已經賣咗,賺咗錢,已經樓換樓,又或者一間變兩間、三間、四間了!記住!學咗唔等於做咗!網上資訊實在太泛濫,就講專家評論,一個睇升,一個睇跌,你聽邊個?精神分裂啦!最重要係你身邊有戰友、有支援,推動你實踐!

向成功的人士學習,敢於實踐,最重要的!難…唔重要,最重要是難在那裡,如何拆解?

相關文章 :

【1% Anthony】負面思想 幫唔到你買樓 Anthony Sir你好!最近睇一些前輩的文章,看他們分享經驗,如何上車樓,如何一間變幾間,財務自由,心裡非常羡慕,但又很失望,以前樓價平...
【1% Anthony】讀者來信:財務自由要有目標... Anthony Sir你好!上星期我都有睇「我要做業主」,見到你們的戰友只有35歲就已經財務自由了,很羡慕啊!現在樓價咁貴,如果想好似她一樣...
【1% Anthony】自住需要與投資需要 我今年30歲了,還未有計劃結婚生仔,身邊好多朋友都叫我買樓,其實我是跟家人住的,仲有自己的房間,根本就沒有自住需要,仍然需要留意樓市,需要計...
【1% Anthony】行動力 Anthony Sir你好!我平時的工作很忙,每天朝九晚九,有時星期六日都要工作,下班後已經只有半條人命,如何還抽得出時間投資呢?...
【樓巿蔣門人Lucy】香港樓市跟疫情一齊進入第四波?... 今年入秋最關心的話題之一,是疫情會否進入第四波。政府、醫務界專業人士都提醒市民要謹慎再謹慎。近期香港人打疫情仗已經好努力,尤其是經歷完第三波...
分享: