有老友表示，他的一個朋友以BNO去了英國，打算長住。第一件事就是買樓，買樓當然無問題，但到銀行申請按揭時，竟然得不獲批核，更加別說什麼「H按」、「P按」、回贈等。現在令到他的朋友「發哂癲」。我說在外國買樓，大多數有一條銀行按揭貸款條文，如果得不到銀行貸款，買方是有權不成交，除非買方在買樓時願意刪除這條款。事實上這項條文很多時都會被刪除，因為賣家會說，已經有另外一個買家俾到價，如果唔刪除就唔會賣，香港又沒有這項條文，所以很多時都會接受賣方的要求。

我問老友，他的朋友究竟要申請幾多成按揭？原來是八成，怪不得銀行不批核。就算在香港，亦只有1000萬元以下的住宅單位才可以申請八成按揭，同時按揭保險公司會「驗屍咁驗」，看看申請人有無能力還款。在英國，銀行家睇從香港去的人只是一批未合資格的難民，五年之後唔知是否可以申請移民。如果批八成按揭，五年之後申請人被遣返，樓宇市值下跌，銀行可能會受到損失，所以寧願現在不批核。換句話說，就算在民間，英國人仍然未當用BNO去的香港人是自己人。香港人以為已經移民去了英國，只不過是一廂情願。