有老友問現在樓市下跌的消息鋪天蓋地,撰文的人叫人別入市,還說救得一個得一個。朋友想知道,是否應該將自住單位賣走,待樓價下跌至某一個水平再考慮買樓?如果樓價跌25%之後再買樓,他「大大話話」可以慳4百萬元至5百萬元,有這樣好機會都不賣樓,是否對不住自己?
樓市有人睇升,亦有人睇跌,打算買樓的人可以用作參考,但是最緊要是自己有無需要,以及有冇能力持貨?如果有就不怕買。至於有樓的人如果因為有人說樓市下跌而賣樓,同樣是要考慮自己有無需要以及持貨能力。如果有能力為什麼要賣樓?如果無需要或者無能力持貨,就要考慮賣樓。至於那些說樓市會下跌的人,他們只是提醒一下打算入市的人,心地是相當好。不過,他們說救得一個得一個似乎太睇得起自己。