港鐵四通八達,係香港人返工、返學、出門嘅首選交通工具,所以如果住嘅地方鄰近港鐵站,肯定大大加分。而香港有一個地方,唔少屋苑都係圍住港鐵站而興建,呢度就係將軍澳啦!
講到將軍澳,首要介紹一定係將軍澳站上蓋物業-天晉。好多人知道天晉一共分四期,你喺將軍澳站上蓋嘅屬於第一期,第一期嘅項目有六座大樓組成,提供超過1000個單位,屋苑主打三至四房嘅大型單位,以三房單位較多!而且單位普遍面積超過1000呎,目標當然係細屋換大屋嘅換樓客。作為將軍澳最地標式嘅大型屋苑,最大嘅賣點當然就係屋苑直達商場同埋港鐵站,平時如果想生活消費,換對拖鞋行落樓下,就已經係大型購物商場Popcorn!大型超市、食肆、潮流服飾、戲院等等應有盡有。 而旁邊嘅將軍澳中心、Popwalk亦有天橋連接,為住戶提供不同享受。交通方面,屋苑同將軍澳站零距離,即使當日想坐下巴士,附近亦有大型交通交匯處可以俾你選擇點對點嘅路線。
如果閣下家庭人數唔多,想喺附近搵啲兩房單位,旁邊嘅將軍澳中心就啱晒你。將軍澳中心一共分三期,有12座物業組成,提供超過4500個單位。屋苑提供二至四房單位,不過主打標準兩房戶,面積方面有384尺至九百幾呎左右。住喺呢區嘅朋友都知道,將軍澳中心其實同港鐵站距離都只不過係對面馬路,行路幾分鐘就到,而且屋苑仲有行人天橋直達對面港鐵站,無論天氣好壞,住戶都唔需要擔心日曬雨淋。將軍澳中心本身設有大型商場,同時受惠於附近多個大型樓盤,佢哋嘅基座商場亦連成咗一個強大嘅娛樂生活圈。
睇完將軍澳站,搭地鐵行過一個站,一齊去參觀坑口站嘅上蓋物業-蔚藍灣畔。同樣屬於港鐵上蓋物業嘅蔚藍灣畔,亦都係區內嘅人氣之王。屋苑有六座物業,超過2100個單位,主打間隔係兩至三房,當中以兩房單位供應較多,適合中小型家庭嘅換樓人士。屋苑嘅景觀亦都相當不俗,高層可以望到大片嘅坑口區,中低層,亦都可以望住屋苑嘅內園景,而屋苑嘅內園景設計亦相當不俗,全因為擁有一個區內數一數二嘅豪華大型會所,除咗設施齊全,設計富麗堂皇嘅係其中一大賣點。屋苑主要交通工具,當然就係樓下嘅坑口站!返工返學都唔係問題。如果你喺科大讀書或者工作,呢度亦有小巴往來,時間都只係5至10分鐘,瞓晏啲起身都唔使驚遲到!
聽完今次嘅介紹,係咪仲想知多啲呢?立即按此向客服查詢!