遠離繁囂嘅外國情懷，對於唔少追求寧靜自在的人來講，係一種夢想嘅生活。 但係香港呢個石屎森林，邊度可以搵到啲地方？ 唔使擔心，今集介紹嘅地方，就絕對係我哋嘅世外桃源！

眼前的美景，你以為自己身在外國嘅鄉間小區？錯喇，呢度係屯門嘅滿名山 。17年入伙嘅滿名山，喺屯門近年嘅新貴屋苑，位置自成一角，主打優質嘅中產式寧靜生活享受。 屋苑有20座分層樓宇，以及43座獨立屋組成，合共提供約1100個單位 。如果講環境，滿名山係今集三個屋苑當中，設計最時尚清幽，而且鄰近黃金泳灘同埋咖啡灣，中高層嘅住戶除咗山景，仲可以望到海景添！ 屋苑由開放式以致大型四房單位都有提供，面積介乎300幾至2000幾呎。 而滿名山嘅會所設計時尚新穎，仲有兒童會所提供添。 屋苑亦提供穿梭巴士前往V city，到咗屯門站，前往九龍都只不過係30分鐘內嘅事，出入亦算方便 。

行出滿名山少少，其實就到第二個要介紹嘅單位︰愛琴海岸。 新地發展嘅愛琴海岸，七座物業一字排開，提供1624個單位 屋苑主打三房間隔，部份有埋工人房，同時亦有少量兩房單位提供。 愛琴海岸嘅屋苑會所佔地超過30萬平方呎，離遠望過去，好有度假中心嘅感覺，而且比較同區嘅屋苑，樓齡仲要比較新添！ 除咗屋苑嘅自設商場，住戶仲可以去到旁邊嘅黃金海岸廣場購物消閑，生活都相當寫意 。

第三個要介紹嘅，就係眼前香港黃金海岸，屯門區Lifestyle嘅指標 。生活要有特色，首先居住密度一定唔可以太高，同時地方要夠大，視野要夠開揚，同埋景觀一定要夠舒適。 黃金海岸就係少數能夠囊括以上咁多優點嘅屋苑。 由信和發展嘅黃金海岸，一共分兩期，合共30座物業，提供2168個單位 屋苑主打兩至三房單位，亦有少量豪華洋房提供。 雖然唔少屋苑都擁有大型甚至係高級嘅住客會所，但係黃金海岸整個會所連同商場，都打造成一個充滿歐陸式風情嘅設計， 再加埋黃金泳灘就喺旁邊，令喺度嘅住戶可以感受外國生活體驗，亦令呢度成為左唔少市民假日休閒打卡嘅熱點 。而且今日屯門交通越嚟越發達，除咗有村巴可以直達機場同埋荃灣站，平日亦有唔少巴士班次往返九龍，方便返工一族。 今次介紹係咁多，想再知多啲？立即按此向客服查詢！！