唔少寵物主人買樓嘅時候,都會諗埋寵物嘅需要,生活空間夠唔夠大呀,附近有冇地方俾佢散步呀…… 唔使擔心,我哋即將帶你去遊區各地嘅寵物屋苑,而今次我哋就嚟到將軍澳 !
未介紹屋苑,先介紹呢區最大型嘅寵物公園-環保大道寵物公園。 公園佔地4000幾平方米,單單係草地區域都已經有五個咁多,絕對係寵物放電嘅好地方。 而且公園遠離鬧市,假日約埋三五知已放狗為樂,野餐消閑,絕對係放鬆心情嘅好時刻。 加上呢個公園設備充足,有寵物沖洗間、飲水機,仲有狗狗停車場,一班主人可以同寵物玩得更加放心 。
如果你已經忍唔住想同寵物喺度落地生根,附近有啲乜嘢好屋苑?首選當然係日出康城 !首先介紹嘅就係第一期— 首都! 屋苑由10座物業組成,提供2096個單位 屋苑主打3-4房單位,實用面積約900呎以上,絕對適合大型寵物一齊居住。 而且物業一梯4伙,私穩度高,即使帶住寵物上落,亦唔使擔心影響鄰居。 首都附近被翠綠山景包圍,風景怡人,無論對住戶定係對寵物都更加身心舒暢 。日常主要交通工具絕對係港鐵康城站,距離屋苑只有大約5分鐘路程,往返港九非常方便 。
第二個要介紹嘅,就係旁邊冇幾遠嘅-領都 。有八座物業組成嘅領都,擁有接近1700個單位。屋苑嘅戶型多元化,而主打都係三房戶,無論人同寵物都有足夠嘅空間。 不過呢度最大特色,就係戶戶有露台,除咗令屋內空氣流通,亦令寵物喺家中都可以擁有戶外小天地 。除咗寵物享受之外,屋苑擁有大型住客會所,超過60項嘅設施同樣都可以為主人帶來舒適嘅生活。 除咗鄰近康城站之外,屋苑亦提供穿梭巴士往返將軍澳站、popcorn等等地方。
第三個介紹嘅係旁邊2B期嘅領峯, 屋苑由六座物業組成,一共有1400幾個單位,主打三房連套房,以及4房嘅大單位。即使家庭成員眾多,寵物亦有自在活動空間 。領峯同鄰近嘅領都、領凱共享30萬呎嘅主客會所 想同寵物做運動,可以帶寵物出去沿海嘅緩跑徑散步散心,亦係一種樂趣 除咗康城站以及穿梭巴士之外,附近亦有巴士站,提供港九嘅巴士線路。 如果想購物,除咗屋苑商場之外,亦可以乘搭穿梭巴士去到將軍澳站Popcorn,享受更豐富選擇。
如果想知道更多關於上述屋苑嘅資訊,立即按此向客服查詢!