【沙田搵樓】美城苑.富嘉花園.雲疊花園.港鐵實用屋苑

沙田區發展成熟度高,擁有優質交通配套!加埋屯馬線、沙中線三線加持,絕對係將來嘅交通重心。亦因為咁,咁多年來,好多屋苑都圍繞住沙田站進行發展。時至今日,沿住港鐵搵食,又有啲乜嘢屋苑好介紹?

座擁東鐵、屯馬線、沙中線等等優勢嘅大圍站,絕對有望成為香港下一個重要嘅交通樞紐。呢個站附近亦有一啲屋苑值得推介,先講雲疊花園!屬於私人參建居屋嘅雲疊花園,喺80年代尾落成!六座物業提供1988個單位。屋苑主要提供兩房及三房戶,而且間隔非常實用,加上位置清幽,適合追求寧靜生活嘅人士。雲疊花園嘅業主立案法團,早年翻新咗大廈嘅電梯以及外牆,令到屋苑感覺更加新淨,質素直迫私樓!講到交通,大圍站距離屋苑都只係5分鐘,而且樓下巴士同小巴路線都非常豐富。

同區,亦有另一個居屋屋苑值得介紹,就係美城苑!位於城門河畔嘅美城苑,由3座大廈組成,提供近2200伙,單位面積大約300幾至400幾呎不等,由於間隔四正,用戶可以安心設計成不同戶型。屋苑靠近美林邨,住戶可以去到美林商場嘅超市,餐廳,以及家品雜貨小店,或者美林街市購買日常所需!呢度行去大圍站大約8-10分鐘,如果唔想行咁耐,屋苑樓下就有小巴,2-3分鐘直出大圍站,亦有巴士出深水埗、長沙灣、觀塘等等地方。

不過講到最具人氣嘅,梗係距離大圍站只係一街之隔嘅富嘉花園富嘉花園屬於私人參建居屋,三幢物業合共864個單位,提供兩至三房單位,比例上各佔一半。屋苑密度低,實用率高,絕對係呢度嘅賣點之一,而且大圍站一出就到家門口,方便程度媲美上蓋物業。附近亦有大量小巴同巴士站提供,港九各區基本路線齊備。生活方面,屋苑樓下有大量地舖,街坊美食多羅羅!附近亦有大量嘅民生小店提供,當然超市餐廳等等就不在話下。如果想行大型商場,去到大圍站,坐過一個站去到九龍塘,就有又一城商場,或者坐一個站去沙田,就有新城市廣場!甚至搭車上內地都話咁易……咁多選擇,想悶都難啦。

如想了解多啲關於以上屋苑嘅資訊?歡迎向我們的在線客服查詢!

相關文章 :

【沙田搵樓】沙田中心.希爾頓中心.偉華中心.年青上車私樓三重奏... 沙田社區配套發展成熟,生活多元化,令唔少年青人想係呢度安居置業!如果想喺度搵私樓,又有啲乜嘢好介紹?...
【沙田搵樓】駿景園.欣廷軒.翠華花園.沙田.多元享受生活屋苑... 人生不同階段都有各自追求,買樓亦都係一樣!不過,對生活嘅享受,每個階段都唔可以輕易錯過。...
【沙田搵樓】顯徑邨.嘉田苑.海福花園.怡人社區.健康之選... 18區當中,如果要選出最健康嘅區域,沙田區絕對係三甲之一!無論扒龍舟或者跑步都係知名熱點,而且周邊群山翠綠包圍,空氣清新怡人。...
【沙田搵樓】帝堡城.花園城.田園閣.優質學府逐個捉... 沙田人傑地靈,居住旺中帶靜,空氣清新風景怡人,絕對適合家庭居住。不過搬去沙田住,小朋友嘅校網分配又會係點?呢區有邊啲出名嘅學校呢?今集就向大...
【東涌搵樓】智能東涌 宜家宜居 自問走在潮流尖啄,無論衣食住行定屋仔、車仔、老婆仔、BB仔邊一方面都需要把握先機,只有快人一步先可以理想達到!...
分享: