環境清幽嘅屋苑，對於一啲喜愛舒適寧靜嘅業主來講，絕對係理想嘅選擇。除咗新界、西貢之外，鬧市當中會唔會都有呢啲屋苑存在？梗係有啦，今日帶大家去到觀塘一帶，睇吓呢啲鬧市當中嘅綠洲屋苑。

呢度四周翠綠包圍，鳥語花香，驟眼望過去，真係同西貢新界一帶有幾分相似，其實呢度就係觀塘嘅曉麗苑。位於觀塘曉光街21號嘅曉麗苑，屬於居屋物業，屋苑分為八座，每層16伙，單位數量大約4800個左右。曉麗苑同普遍居屋一樣，都係主打兩至三房間隔，面積大約400至600幾呎左右 清幽嘅環境，新鮮嘅空氣，而且地勢高，可以望到九龍灣同埋觀塘一帶嘅風景！絕對係鬧市中嘅小花園。生活方面，曉麗苑旁邊就係秀茂坪商場，鄰近亦有曉光街體育館可以比住戶使用。喺屋苑乘坐小巴、巴士前往觀塘站，亦都只係幾分鐘嘅時間，而且附近亦有通往港九嘅巴士路線，生活需求完全滿足。

沿路行上少少近半山位置，就會見到順緻苑。位處觀塘半山嘅居屋順緻苑，由六座物業組成，大約有1500幾個單位，單位面積大約有400至700呎左右，順緻苑係全港至今唯一擁有頂層複式單位嘅居屋！而所有嘅單位都屬於免補地價居屋，可以喺市場自由出售轉換，有咁嘅特色，真係非常罕見！位置半山，擁有綠化行人道，空氣又好，行過去冇幾遠就係著名嘅佐敦谷公園，望住一片綠油油嘅大草地，踏出每一步都係健康嘅氣息。生活方面，屋苑可以通往鄰近順利邨商場，裏面超市食肆齊備，生活不假外求。而順利邨巴士總站亦提供前往觀塘，港島以及九龍區嘅巴士，選擇上亦十分之靈活。

望完兩個咁有特色嘅居屋單位，帶大家行遠少少去到油塘嘅私人屋苑，PENINSULA EAST。由九龍倉發展嘅Peninsula East，屬於油塘嘅新型屋苑項目，屋苑由兩座相連物業組成，一梯四伙，提供256個單位，PENINSULA EAST嘅標準單位面積介乎517至1033呎，布局由2房至4房都有，當中2房單位超過5成，屬於主打項目。由於呢度每戶樓底高達3.15米，加上景觀開揚，附近冇高樓遮擋，可以飽覽鯉魚門同埋啟德一帶嘅海景。喜歡運動生活嘅人士，可以沿着海邊跑步去到鯉魚門，環境清幽，又少人煙，可以暢快咁舒展身心，或者可以選擇留喺屋苑嘅會所，裏面泳池，健身室等等設備亦，無需四處奔走都可以有充足嘅運動空間。平時嘅主要交通，就係距離大約幾分鐘路程嘅油塘站，返工返學，出門都非常方便。如果臨出發前想行吓街，可以喺油塘站旁邊嘅大型商場「大本營」消費購物，基本嘅潮流美食生活所需都一應齊備。如果想過海，油塘站上車幾分鐘就到。

聽完以上屋苑介紹，係咪仲想再知多啲？立即按此向客服查詢！