【黄大仙揾楼】黄大仙上车屋苑逐格睇

作为年青人,想独立出嚟社会生活,置业自然系首要目标!无论买楼定租楼,手头资金又未必够,唔通梦想生活,真系海市蜃楼?今次带大家嚟到有求必应嘅黄大仙,呢个区话唔埋可以实现你嘅梦想呢?

黄大仙嘅居屋天马苑,长年都系置业人士嘅心水之选 。全因屋苑超过2800几个单位,大部份主打嘅都系一到两房嘅上车单位,无论租、买都性价比高!

天马苑实用面积由340至410尺不等,而且为处于黄大仙半山,风景开扬。 楼下连接区内主要干道龙翔道,有多条巴士线路接驳各地 ,距离黄大仙站只系8-10分钟嘅距离,返工返学都非常方便!附近仲有不同嘅大型中心俾住户享用,例如黄大仙中心、钻石山嘅荷里活广场,以及乐富广场等等。

屋苑周围都有唔少嘅康乐设施,好似大型嘅摩士公园,提供不同嘅消闲设施,方便大家舒展筋骨,锻练身体 。

距离天马苑只系1街之隔嘅翠竹花园,亦都系大受上车客追捧嘅屋苑之一。同样处于黄大仙半山嘅翠竹花园,佢一共分三期,分由14座大厦组成,提供超过3500个单位。 成个屋苑主打两房至三房户,而屋苑最为人称道嘅地方,就系佢嘅实用面积接近九成,间隔极为实用 。

翠竹花园位处于狮子山傍,附近人流唔多,环境清幽,适合喜爱宁静生活嘅人士,高层单位更加可以远望九龙湾嘅海景。翠竹花园属于私人发展商参与居屋,所以屋苑配套亦相当完备,除咗停车场、公园等等之外,仲连室外泳池都有,大大提高咗生活质素。

交通方便,附近有竹园村巴士总站,提供前往九龙市区嘅巴士路线。 或者可以行10分钟左右,去到楼下嘅黄大仙地铁站,转驳港铁去到其他地方。

第三个介绍嘅屋苑,就系近年黄大仙嘅新贵 —现崇山 。2012年正式入伙嘅现崇山,发展商系嘉里建设。 8座单位平均楼高31层,为整个屋苑提供左968个单位。 为方便唔同嘅住户需求,屋苑单位由两房至四房连储物室都有,楼层景观比较统一,无论价钱高低,室外景观同样怡人。

相对于居屋同埋公屋为主嘅黄大仙区,现崇山嘅出现可以话系别树一格,为整个地区带来一番新气象。例如佢拥有区内最大型嘅住客会所连平台花园,总面积超过12万尺,里面提供超过20项嘅会所设施,仲有两个大型宴会厅可以举办不同活动。

屋苑自设商场,连同黄大仙中心连成一个共享商圈,为住客提供各式生活需要。交通便利亦系现崇山一大卖点,去黄大仙地铁站只需几分钟路程,连同龙翔道同沙田坳道嘅海量巴士站,港九新界,任意选择。

三个介绍,各有不同特色,符合唔同年轻住户嘅需要。 听完介绍有冇令你心动想知多啲?立即按此向在线客服查询啦!

相关文章 :

【将军澳南揾楼】SAVANNAH・THE PARKSIDE・蓝塘傲・碧海蓝天人宠同乐... 碧海蓝天,系唔少养宠物人士嘅心水居住地方,而且附近最好有齐支援宠物嘅设施,就更加系求之不得。香港呢个地方,边度先有呢类得意嘅靓盘?去到将军澳...
【屯门揾楼】大兴花园.新屯门中心.兆隆苑.年青上车盘.屯门三大精选... 屯门区,楼价门槛低,屋苑质素普遍高,以上种种成为唔少上车人士嘅睇楼第一站。今集,我地就一齐睇下三个屯门不同地段嘅上车屋苑,有冇边个啱你心水!...
【马鞍山揾楼】锦丰苑.锦泰苑.锦英苑.锦绣置业新势力... 近年唔少年青人,将马鞍山定位为首次置业嘅目标。自从马铁通车之后,马鞍山唔少优质居屋逐渐出现喺大家眼前!沿海包围,景色怡人,交通方便……种种优...
【坑口揾楼】煜明苑・安宁花园・广明苑・交通与地利上车优秀选... 如果年轻人要上车揾楼,肯定听过唔少人介绍将军澳。由宝琳一带直到坑口,其实都有唔少潜力上车盘。今次,我地要带大家去到坑口附近一带,睇下啲潜力盘...
【将军澳揾楼】宝盈花园・唐明苑・康盛花园・优越上车新地带... 今年将军澳楼盘交投活跃,当中唔少都系年轻嘅上车户。到底呢一个地方,有啲咩咁吸引佢哋?难道……呢度上车真系特别有着数?...
分享: