【九龙湾揾楼】得宝花园・乐雅苑・德福花园・体验优质生活屋苑

九龙湾系香港人口集中嘅聚居地,除咗众所周知嘅交通便利之外,原来呢度仲好有生活品味。 今次介绍嘅屋苑,可能就啱晒对生活有追求嘅你 !

系80年代中期入伙嘅得宝花园,系九龙湾其中一个著名屋苑,人称九龙湾三宝之一。整个屋苑由八座物业组成,提供约2000个单位。接近7成嘅单位都系一房式设计,平均面积大约250至300呎之间,剩底三成就系接近400尺嘅两房单位。得宝花园虽然冇住客会所,但就拥有屋苑室外泳池,同区实属罕见。而屋苑最大特色,就系拥有自设嘅特色商场-牛下新城。得宝商场 2016年翻新重建,改名「牛下新城」。整个商场以拆卸嘅牛头角下邨作为主题,除咗充满咗怀旧气息之外,仲有唔少嘅美食同小店进驻,成为九龙湾一大特色。交通方面都唔需要多作介绍啦,得宝花园距离九龙湾站大约只系5分钟左右嘅距离,而且港铁站附近遍布大量嘅巴士线,去边都咁方便。

如果你钟意九龙湾,又想附近环境比较绿化啲嘅,乐雅苑应该就系一个唔错嘅选择。 位处于振华道嘅乐雅苑,属于80年代中期嘅居屋。屋苑以六座组成,全部一梯八伙,合共1331个单位。而大部份都系接近500呎嘅两房两厅间隔,四正又实用。屋苑景观主要系佐敦谷公园同埋山景为主,某啲地方嘅景观翠绿幽美,十足西贡一样翠绿怡人。平时假日可以去到佐敦谷公园,同朋友或者一家大细野餐消闲,都系一件赏心乐事。由于屋苑连接附近嘅乐华北邨,住户可以共享村内嘅设施,里面由街市到民生小店都一应俱全。如果钟意行街睇戏同埋shopping,附近嘅淘大商场同埋德福广场,亦都可以满足你嘅愿望。

不过行到嚟德福广场,冇理由唔介绍呢一区嘅地标屋苑-德福花园。作为东九龙首个铁路上盖屋苑,德福花园咁多年来都系区内置业嘅热门首选。屋苑一共有41座,供应接近5000个单位。单位嘅户型比较多,但都系以两房设计为主,面积大约500-600呎左右。德福花园其中一个热门原因,就系单位够实用,普遍都接近9成实用率。不过最令呢度嘅住户感到幸福,除咗系九龙湾站上盖之外,就要数到呢个嘅最强生活圈,楼下就已经系著名嘅德福广场,潮流、生活、美食、娱乐都已经样样齐备。如果想多啲选择,仲可以喺交通交汇处乘坐前往MegaBox,九展等等嘅大型商场,行完就可以坐返专车返屋企,方便程度真系区内罕见。两站之隔嘅观塘,大量开仓、隐世小店,随时任你发掘。钟意去shopping买嘢嘅人士,德福花园简直就系一个理想嘅生活天堂。

听完以上屋苑介绍,系咪仲想再知多啲?立即按此向客服查询!

 

相关文章 :

【蜗居变大】200几呎迷你户点做到零压迫感?... 香港地寸金尺土,愈住愈细成为新趋势,迷你户要住得舒适「唔逼夹」,并非无办法,大家不妨参考这个九龙湾得宝花园的单位......
【沙田揾楼】骏景园.欣廷轩.翠华花园.沙田.多元享受生活屋苑... 人生不同阶段都有各自追求,买楼亦都系一样!不过,对生活嘅享受,每个阶段都唔可以轻易错过。...
【屯门揾楼】大兴花园.新屯门中心.兆隆苑.年青上车盘.屯门三大精选... 屯门区,楼价门槛低,屋苑质素普遍高,以上种种成为唔少上车人士嘅睇楼第一站。今集,我地就一齐睇下三个屯门不同地段嘅上车屋苑,有冇边个啱你心水!...
【屯门揾楼】兆山苑.富健花园.启丰园.屯门河畔上车宝地... 屯门,相信系唔少年青人上车嘅第一个搜寻地点!全因为呢区嘅楼价门槛较低,令到唔少置业人士前来寻宝。我哋今集,就聚焦喺屯门河同蝴蝶湾一带嘅上车靓...
【 马鞍山揾楼】听涛雅苑.银湖·天峰.星涟海.新贵换楼潮流地... 自从马铁通车之后,马鞍山成为唔少换楼客嘅必争之地。呢度环境优美,背山面海,社区配套成熟,而且发展潜力巨大。今次要介绍嘅换楼热点,绝对系唔少中...
分享: