【何文田搵樓】皓畋.天鑄.御龍居.市區中的豪宅

何文田係傳統高尚住宅區,位於九龍的半山地段,旺中帶靜,部分位置可以遠眺維港煙花景。而何文田港鐵站近年正式啟用,去旺角、尖沙咀、黃埔等鬧市更加方便,再加上有名校網優勢,吸引唔少有實力的買家進駐。呢度有唔少靚隔格的豪宅級數屋苑,今次就介紹三個畀大家。

第一個就係位於常盛街28號的皓畋,由嘉里建設發展,一共有9座物業,由北至南呈弧型排列,所以好多單位都有開揚的翠綠山景同市區景觀。屋苑提供1429伙,每層有5至9個單位,實用面積介乎361呎至1480呎,房型由1房至4房都有,其中2房及3房係主打,佔總供應八成。 單位開則以長廳為主,間隔方正實用。樓層高度達到2.85米至4.1米,增強空間感,就算做吊櫃、閣樓都冇問題。屋苑設有豪華會所,室內面積超過3.5萬平方呎,戶外及綠化設施有約13萬平方呎,泳池、健身室、宴會廳、緩步徑等一應俱全。

第二個要介紹係位於佛光街23號的天鑄,單位開則同樣四正工整,而且呢度專攻大單位,最細面積885呎,大至3406呎都有,而且配套設施豪華,擁有五星級的享受。 天鐵由新鴻基發展,屋苑分兩期,合共14座大廈,527個單位,其中7座係分層單位,五梯2至4伙,戶戶設有私人電梯大堂,私隱度極高。單位間格由2房至5房不等,其中3至4房屬主打戶型。另外7座係樓高3層的獨立屋,面積由2722呎起,有4房及5房間隔,更設有50呎露台。 呢度另一賣點係有佔地13萬呎的豪華會所,各種設施應有盡有。咪以為豪宅一定位於山旯旮、冇車到的地方,由港鐵何文田站步行去天鑄,原來只係幾分鐘路程,出市區話咁快就到。 上述兩個屋苑樓齡好新,所以價錢都偏貴。

想經濟一啲,可以留意位於忠孝街83號的御龍居。呢個屋苑係1998年入伙,樓齡只係20幾年。屋苑規模唔算好大,2座大廈合共提供334單位,實用面積由517呎至1616呎不等,有兩房及三房套房選擇,間隔有日字廳、長廳及鑽石廳,廳房面積偏大,就算係鑽石廳,擺放傢俬都全無難度,整體單位實用率普遍接近八成。 屋苑同樣有會所及泳池,步行5分鐘就可以到愛民商場,附近有多條巴士及小巴路線出市區,絕對係實而不華的優質居所。 港鐵屯門線正在如火如荼興建,日後通車,何文田將可以與啟德連成一線,將可受惠於啟德的發展,潛力不容忽視。

如想了解多啲關於以上屋苑嘅資訊?歡迎向我們的在線客服查詢!

相關文章 :

【全港】2房戶型 60-70平 高實用率 有何好選擇?... 有人買房,覺得景觀最重要;有人考慮交通和基建;有人會將離公司、學校近不近作為評判標準,但如果你覺得戶型、實用率、性價比很重要,那就一定要看今...
【代理Nicole推介】何文田半山壹號二期半山徑18號低層18室... KOL帶睇樓 – Nicole Song (S-589034)筍盤推介: 物業地址:何文田半山壹號二期半山徑18號低層18室 (物業編號:...
【將軍澳搵樓】寶盈花園・唐明苑・康盛花園・優越上車新地帶... 今年將軍澳樓盤交投活躍,當中唔少都係年輕嘅上車戶。到底呢一個地方,有啲咩咁吸引佢哋?難道……呢度上車真係特別有着數?...
【全港】想買低價豪宅!想和楊穎做鄰居!... 美聯物業的三位元豪宅達人代理,就帶你去看看港九新的不同豪宅,其中包括了全樓盤最低呎價的獨家房源、罕有放盤的打折房源以及Angelababy三...
【代理Sky推介】何文田勝利道一號高層B室... KOL帶睇樓 – Sky Lee (S-527091) 樓盤推介: 物業地址:何文田勝利道一號高層B室(物業編號:M200071625) ...
分享: