【天后搵樓】柏傲山.維峰.DIVA.交通便利 天后級新星

天后係港島之中,最能體現旺中帶靜的地區,佢位處於港島東及港島西中間,無論西行去銅鑼灣、灣仔、中環,或東行去北角、鰂魚涌、太古等的商業區都非常快捷。呢度有面積廣闊的維多利亞公園、香港中央圖書館,仲有好多特色食肆及小店,少咗商業區繁忙、密集的壓逼感,多咗一份文化生活氣息,繁忙鬧市中畀到人一個工作喘息空間。所以想喺港島區置業的人士,都會留意天后港鐵站一帶的物業。尤其是呢區近年有唔少設計時尚的新樓盤相繼入伙,畀到大家更多的選擇。今次就同大家介紹三個喺2015年入伙、樓齡只有約5年的半新屋苑。

第一個要介紹係位於天后廟道的柏傲山,由新世界及錦華置業合作發展,走高檔品味路線,物業一共有5座,提供358個單位,間隔由1房至5房不等,當中以3房及4房為主打。屋苑設有面積約20000呎的住客會所,以及約16000呎的園林及遊樂場地,並聘請了日本知名設計師,將禪宗美學溶入園境及會所設計中,令整個屋苑滲透住和式的素雅風格,簡樸得來不失貴氣。 屋苑位處寧靜的北角半山之上,背山面海,步行6至8分鐘就可到達天后港鐵站,過銅鑼灣Shopping都相當方面,地理位置相當優越。

柏傲山主打大房型單位,如果你係單身人士或小家庭,用唔到咁多地方,就可以考慮位於歌頓道的維峰。屋苑由恒基兆業發展,屬單幢式住宅,樓高28層,兩梯二伙或五伙,共有119個單位,實用面積介乎280呎至883呎,有1房至3房選擇,其中1房佔單位總供應六成,戶戶設有窗台及露台,並設有面積約2800呎的住客會所,及約3500呎的花園及康樂區。維峰較近海旁,步行去天后或炮台山港鐵站,都係8至10分鐘路程,屋苑基座有商舖,附近就係清風街及電氣道,有好多特色美食,啱哂為食一族。想自己煮,屋苑對面就係銅鑼灣街市,買餸都特別就腳。英皇道一帶又有大量民生商舖,以及多條巴士、小巴路線經過,講方便真係冇得輸。

最後一個要介紹就係由長江實業發展的DIVA,同樣係單幢式住宅,不過主打中型單位,樓高32層,兩梯2伙或4伙,提供118個單位,最細面積493呎起,全部都係兩房至三房房型,其中兩位佔總供應單位七成,每戶設有窗台。有小朋友的小家庭,需要大啲活動空間的話,DIVA會係其中一個選擇。 DIVA正正位於維峰旁邊,同樣擁有維峰的地利優勢,交通、購物同樣便利,屋苑地下及一樓都設有商舖及餐廳,亦有面積達3680平方呎的住客會所,附近就係維園,畀到小朋友足夠活動空間。 值得一提係,雖然上述三個樓盤都係北角區,但校網就屬於明星級的12校網,中學就係灣仔區,所以吸引好多家長喺度置業。聽完之後,大家係咪都想喺天后區搵返個安樂窩,立即按此查詢!

 

相關文章 :

【代理Debbie推介】天后 DIVA高層A室 KOL帶睇樓 –Debbie Lee(S-571925) 筍盤推介: 物業地址:天后 DIVA高層A室 (物業編號:M100082319)...
【屯門搵樓】時代廣場.兆麟苑.置樂花園.成熟屋苑 優質享受... 鍾意享受生活小區嘅人士,通常鍾情於去新界搵樓,而屯門唔少屋苑,其實都相當符合佢哋嘅要求。...
【代理Debbie推介】天后DIVA高層C室 KOL帶睇樓 –Debbie Lee(S-571925) 筍盤推介: 物業地址:天后DIVA高層C室(物業編號:M100087488) ...
【全港】2020年 香港投資甚麼最賺錢? 隨著疫情逐漸受控,業主們的信心穩步回升,使得二手減價房源賣一間少一間,眼看就要錯失趁低吸納的良機,投資者們開始蠢蠢欲動。...
【寶翠園】住得高尚致勝攻略 寶翠園位於西半山傳統豪宅地段,屋苑樓下便是港鐵香港大學站,附近亦有多條巴士及小巴路線往返各區,交通方便是屋苑一大優勢......
分享: