【將軍澳搵樓】新寶城・東港城・將軍澳廣場・雅致靚則實用優厚

身邊唔少朋友,成日都會趁假日睇樓,除咗睇價錢之外,唔少朋友都好著重間隔設計,實用比率。不如一齊去到將軍澳附近望一望,睇吓有邊啲靚間隔嘅樓盤?

第一個要介紹嘅靚則屋苑,就係新寶城。先講吓基本資料,屬於恆基兆業發展嘅新寶城, 99年正式入伙,屋苑由六座大廈組成,提供2184個單位,單位面積大約由300幾去到600幾呎不等。屋苑主打1-2房單位,但係亦有三房單位提供。講到間隔,單位間隔四正,空間充足,實用度高達八成,無論想間房,定係打通,裝修設計上都相當靈活。呢度景觀開揚,高層仲有少量嘅單位可以望到遠方嘅海景,而且附近旺中帶靜,都為屋苑加咗唔少分數。

交通同埋生活方面,巴士路線亦算豐富,連機場巴士亦有提供,最重要係,坑口站行路幾分鐘就到,而且站內有四條有蓋冷氣天橋連接各大商場,飲食消閑購物都非常方便。

坑口站,又點可以唔睇鄰近嘅靚則王-東港城東港城由七幢物業組成,同樣都有2184個單位,其中六成半都係2房單位,目標以家庭客為主。東港城單位空間感大,內籠寬敞,實用度高,扣除窗台位置,單位實用率超過八成,去到今日,呢個質素同區嘅屋苑仍然少見。

除咗單位實用,佢嘅交通生活圈堪稱區內一絕。首先屋苑有自設會所,泳池、球場、健身室等等全部齊備,屋苑基礎就係坑口嘅大型同名商場東港城,潮流服飾,珠寶電器,飲食娛樂,統統集中喺呢個400,000平方呎嘅商場裏面。而屋苑亦有自設嘅行人天橋連接坑口站,行5分鐘就到!地鐵站旁邊仲有巴士同小巴總站,令你出門有更多選擇。

第三個介紹嘅就係行遠少少,近將軍澳嘅將軍澳廣場將軍澳廣場分兩期,一共有八座物業,提供超過2800幾個單位。整個屋苑設計一字排開,後排單位以山景為主,前排單位就望市區同埋內園景。間隔比較多元化,主打都係兩房至三房間隔,不過最有特色嘅地方,就係屋苑設有細三房同埋三房連工人房,而且大部份房與房之間並非主力牆,住戶可以隨自己喜好,打通成大房,或者自行間房都可以。

配套方面, 屋苑兩期都自設住客會所,設施齊備。屋苑嘅樓下就係區內主要購物商場之一,酒樓,食肆,銀行,以及大型日式超市,仲有大型家居用品店添。而附近亦有其它商場可以選擇,好似popcorn,將軍澳中心等等,絕對可以滿足住戶嘅要求。交通方面,將軍澳廣場鄰近將軍澳站,大約5-6分鐘步行距離,附近寶邑路同寶康路巴士線亦非常豐富,提供大量港九地區點對點嘅線路。

如想了解多啲關於以上屋苑嘅資訊?歡迎向我們的在線客服查詢!

相關文章 :

【坑口搵樓】煜明苑・安寧花園・廣明苑・交通與地利上車優秀選... 如果年輕人要上車搵樓,肯定聽過唔少人介紹將軍澳。由寶琳一帶直到坑口,其實都有唔少潛力上車盤。今次,我地要帶大家去到坑口附近一帶,睇下啲潛力盤...
【將軍澳南搵樓】SAVANNAH・THE PARKSIDE・藍塘傲・碧海藍天人寵同樂... 碧海藍天,係唔少養寵物人士嘅心水居住地方,而且附近最好有齊支援寵物嘅設施,就更加係求之不得。香港呢個地方,邊度先有呢類得意嘅靚盤?去到將軍澳...
【沙田搵樓】顯徑邨.嘉田苑.海福花園.怡人社區.健康之選... 18區當中,如果要選出最健康嘅區域,沙田區絕對係三甲之一!無論扒龍舟或者跑步都係知名熱點,而且周邊群山翠綠包圍,空氣清新怡人。...
【沙田搵樓】駿景園.欣廷軒.翠華花園.沙田.多元享受生活屋苑... 人生不同階段都有各自追求,買樓亦都係一樣!不過,對生活嘅享受,每個階段都唔可以輕易錯過。...
【沙田搵樓】美城苑.富嘉花園.雲疊花園.港鐵實用屋苑... 沙田區發展成熟度高,擁有優質交通配套!加埋屯馬線、沙中線三線加持,絕對係將來嘅交通重心。亦因為咁,咁多年來,好多屋苑都圍繞住沙田站進行發展。...
分享: