【屯门揾楼】兆山苑.富健花园.启丰园.屯门河畔上车宝地

屯门,相信系唔少年青人上车嘅第一个搜寻地点!全因为呢区嘅楼价门槛较低,令到唔少置业人士前来寻宝。我哋今集,就聚焦喺屯门河同蝴蝶湾一带嘅上车靓盘。

屯门私楼众多,唔少都主打细码上车盘,启丰园就特别受到关注。92年入伙嘅启丰园,有四座物业,合共896个单位,统一两房间隔。同一般上车盘相比,除咗间隔设计实用之外,行落楼下就系屯门海滨!加上唔少单位可以望到开扬海景,绝对系大大嘅加分位。屋苑基座亦自设商场,地铺亦有各式食肆店铺,满足住户日常生活需求,而且屋苑旁边就有蝴蝶湾公园,泳滩,烧烤场等等设施,生活指数相当高。屋苑隔离就系屯门码头总站,所以轻铁、巴士等等选择非常多,交通亦算方便。

距离启丰园大约5分钟路程,就系第二个介绍嘅居屋屋苑,兆山苑兆山苑由12座物业组成,提供1872个单位,屋苑主打两房单位,全部不设窗台,间隔四正,以实用取胜。生活方面,上车客经济消费以实用为先,喺旁边蝴蝶邨嘅商场同街市,能够提供晒一切平民日常消费所需。平日行去海滨散下步,或者去泳滩游下水,都算得上系写意人生。交通方面,楼下就系轻铁蝴蝶站,仲有巴士、小巴直出旺角、荃湾、油塘等地
又或者行大约8分钟,去到屯门码头总站,更多轻铁路线以及巴士选择。

不过讲到上车居屋,就不得不提屯门居屋王 - 富健花园富健花园属于私人参建居屋,系1999年落成,属于区内年轻嘅居屋屋苑。屋苑一共有12座物业,提供3026个单位,主打两至三房间隔,完全迎合上车需要
富健花园沿着屯门河而建,环境写意宁静,大部份单位都可以享受到屯门河嘅美景,而且屋苑内园超过8万呎,生活密度比同区唔少私楼更低!楼下大量特色地舖,亦令到屋苑拥有自成一角嘅购物圈。旁边嘅新屯门商场,提供更多元化嘅购物选择,亦系屋苑嘅购物热点之一。富健花园邻近轻铁站,行5分钟就可以去到龙门居嘅巴士总站,出行都非常方便。

想了解多啲关于以上屋苑嘅资讯?欢迎向我们的在线客服查询!

相关文章 :

【屯门揾楼】新围苑.良景村.兆轩苑.屯门首置不求人.居屋公屋大搜查... 如果住喺屯门嘅朋友一定知道,田景、建生附近,唔少屋苑都系上车热门。所以今集介绍一啲年青上车客嘅好盘源,又点可以唔唔介绍几个性价比高,又大受欢...
【屯门揾楼】丰景园.南浪海湾.富健花园.美景动人靓则盘... 系好多年前,屯门区交通仍然未系咁方便,为咗吸引用户,唔少楼盘嘅单位间格都设计得四正实用。而家屯门交通便利,呢啲间隔咁好嘅靓盘,立即成为抢手货...
【屯门揾楼】泽丰花园.翠林花园.景峰花园.三大靓则「花园」全面睇... 好多追求单位实用靓间隔嘅人士,都特别钟情于居屋盘,而屯门就有唔少靓则居屋,设计格局甚至同私楼有得挥。...
【屯门揾楼】锦华花园.康德花园.盈丰园.铁路屋苑潜力选... 十几年前,屯门交通仲未系咁方便,令到唔少买家因而却步。今时今日,西铁、轻铁贯通新界区,九龙入新界,随时快过过海 所以今集就带大家一齐睇吓,屯...
【屯门揾楼】豫丰花园.聚康山庄.怡乐花园.换楼客的世外桃源... 屯门系众所周知嘅上车天堂,不过可能唔多人知道,其实呢区都系换楼客嘅世外桃源。 如果想细屋换大屋,又或者揾返啲有规模同配套嘅私楼,今集介绍嘅屋...
分享: