【屯門搵樓】時代廣場.兆麟苑.置樂花園.成熟屋苑 優質享受

鍾意享受生活小區嘅人士,通常鍾情於去新界搵樓,而屯門唔少屋苑,其實都相當符合佢哋嘅要求。如果你都係追求生活質素……咁今集你就唔好錯過啦!

第一個介紹嘅時代廣場,相信留意開屯門盤嘅一啲都唔陌生,屋苑由五座物業組成,擁有近1300個單位。呢度提供一至三房間隔,2房為主打,不過相比周邊嘅屋苑,能夠提供一房間隔嘅戶型算係比較罕見,所以亦受到唔少上車客追捧。講到生活優勢,呢度屋苑嘅景觀係賣點之一,既有翠綠山景,亦有屯門公園嘅優質園景,平時落街散吓步,生活悠然寫意。 加上時代廣場距離屯門站只係5分鐘距離,總站下面仲要係巴士總站,交通極為方便。平時行街shopping,去到屯門時代廣場,或者V city,行街、食飯、睇戲通通冇難度。

跟住介紹兩個居屋盤,先講下兆麟苑,雖然佢係居屋屋苑,但係規模大,生活配套充足,十足一個小社區,啱晒生活至上嘅朋友。 兆麟苑有12座物業,提供約4200個單位,屬於區內較具規模嘅大型居屋屋苑!呢度提供傳統兩至三房戶型,冇窗台,實用率高,方便好多私人擺設嘅用戶,令佢哋隨意調配空間。由於屋苑規模大,所以樓下就有自己嘅公園、超市、食肆、商場,而且相對鄰近屋苑,呢度社區運動設施更加豐富同接近,行落樓下做運動真係相當方便。 雖然屋苑並唔近屯門站,不過樓下有專線接駁小巴,班次頻密,行出大街亦有好多港九巴士可以選擇。

第三個要介紹嘅,就係屯門區深受歡迎嘅置樂三寶之一︰置樂花園。 屋苑屬於私人參建居屋,八座物業提供1000個單位,主打2-3房單位,實用率、性價比高! 置樂花園樓下就係民生社區,商場、食肆、小店、街市林立嘅小社區,由於置樂花園就係樓上,大家就索性叫呢度做置樂街市, 而且呢度交通配套以公共交通為主,樓下巴士小巴路線豐富,接駁前往屯門站都只係幾分鐘,唔少都大讚返工返學非常方便!

如想了解多啲關於以上屋苑嘅資訊?歡迎向我們的在線客服查詢!

 

相關文章 :

【深井屯門搵樓】滿名山.愛琴海岸.香港黃金海岸.享受「黃金」自在生活... 遠離繁囂嘅外國情懷,對於唔少追求寧靜自在的人來講,係一種夢想嘅生活。 但係香港呢個石屎森林,邊度可以搵到啲地方?...
【天后搵樓】柏傲山.維峰.DIVA.交通便利 天后級新星... 天后係港島之中,最能體現旺中帶靜的地區,佢位處於港島東及港島西中間,無論西行去銅鑼灣、灣仔、中環,或東行去北角、鰂魚涌、太古等的商業區都非常...
【屯門搵樓】豐景園.南浪海灣.富健花園.美景動人靚則盤... 係好多年前,屯門區交通仍然未係咁方便,為咗吸引用戶,唔少樓盤嘅單位間格都設計得四正實用。而家屯門交通便利,呢啲間隔咁好嘅靚盤,立即成為搶手貨...
【屯門搵樓】屯門市廣場.恆順園.兆畦苑.上車靚盤集中地... 雖然不少年青人上車資金有限,但始終買樓是人生大事,總希望揀到最好! 這麼多年以來屯門就為不少上車朋友帶來各種新希望。 到底這個多元化的上車地...
【屯門搵樓】邁亞美海灣.南浪海灣.卓爾居.屯門靚景實惠私樓之選... 香港地靚景單位難求,如果屬於優質私樓,價錢更加不菲。想以較相宜的價格居住靚景私樓,屯門區都有不少選擇。...
分享: