【屯门揾楼】珑门.星堤.卓尔居.屯门屋苑款式多变化

自从西铁开通后,入屯门同出港岛区时间都系差不多, 加上呢区风景优美,静中带旺,而且楼价门槛低,立即吸引唔少换楼人士入嚟寻宝。 今次,我哋就带大家一齐睇吓屯门换楼嘅热点!

今年扫管笏路越来越多人搬入去住,其中星堤特别受到欢迎 屋苑属于中低密度设计,由10座分层楼宇,以及30座独立屋组成,提供459个多元化单位, 由复式单位,连花园单位,以及顶层相连大单位都有,绝对系换楼人士嘅天堂! 平台花园同会所占地约400,000平方呎,充满艺术气色,同时亦邻近大榄郊野公园,恍若置身城市森林。 屋苑同黄金海岸商场只系一街之隔,喺屋苑嘅主要休闲购物场所。 交通方面,屋苑楼下有巴士直出讲到,亦有接驳巴前往邻近嘅港铁站。

如果阁下钟意城市感重啲,热闹少少,卓尔居就适合你啦。 卓尔居分两期发展,有六座物业,约1600个单位,车位都有300几个, 屋苑主打两至三房间隔,每户12尺楼底,加埋大玻璃窗,仲要比河景同山景包围,呢种享受真系冇得输。 呢度嘅住客会所设施亦相当齐备,泳池、重健身、室康乐设施齐备,令你平日有更多享受。 卓尔居交通亦相当便利,楼下就有轻铁站,如果想行去西铁屯门站,都只系需要7至8分钟。 日常生活,住户可以选择到屋苑几坐嘅商场购物,又或者行5分钟过河,对面就系屯门新墟,买嘢大把选择。

头先个位经过屯门站嘅时候,有冇抬头望一望呢?佢嘅上盖屋院珑门,就系今日最后一个介绍嘅屋苑。 珑门分两期发展,七座物业,拥有1991伙单位。 屋苑超过一半以上单位都系2-3房嘅大单位,亦提供多个介乎1000几至2000几尺嘅特色单位,迎合中产换楼人士。 而屋苑嘅住客会所有世界级设计师亲自打造,近乎你数得出嘅文娱康体设备都有齐晒,而且景观亦极具气派。 购物娱乐,就当然系屋苑基座嘅V city!呢个拥有30万呎嘅地标商场,绝对可以包揽晒所有购物娱乐饮食嘅消闲活动。 如果想坐车出九龙,行落楼下西铁站,出尖沙咀大概都系30几分钟, 而且旁边嘅巴士总站,亦包揽晒港岛市区同埋机场巴士路线,选择多多,出行自然更轻松。

如想了解多啲关于以上屋苑嘅资讯?欢迎向我们的在线客服查询!

相关文章 :

【屯门揾楼】大兴花园.新屯门中心.兆隆苑.年青上车盘.屯门三大精选... 屯门区,楼价门槛低,屋苑质素普遍高,以上种种成为唔少上车人士嘅睇楼第一站。今集,我地就一齐睇下三个屯门不同地段嘅上车屋苑,有冇边个啱你心水!...
【屯门揾楼】泽丰花园.翠林花园.景峰花园.三大靓则「花园」全面睇... 好多追求单位实用靓间隔嘅人士,都特别钟情于居屋盘,而屯门就有唔少靓则居屋,设计格局甚至同私楼有得挥。...
【屯门揾楼】丰景园.南浪海湾.富健花园.美景动人靓则盘... 系好多年前,屯门区交通仍然未系咁方便,为咗吸引用户,唔少楼盘嘅单位间格都设计得四正实用。而家屯门交通便利,呢啲间隔咁好嘅靓盘,立即成为抢手货...
【屯门揾楼】豫丰花园.聚康山庄.怡乐花园.换楼客的世外桃源... 屯门系众所周知嘅上车天堂,不过可能唔多人知道,其实呢区都系换楼客嘅世外桃源。 如果想细屋换大屋,又或者揾返啲有规模同配套嘅私楼,今集介绍嘅屋...
【屯门揾楼】新围苑.良景村.兆轩苑.屯门首置不求人.居屋公屋大搜查... 如果住喺屯门嘅朋友一定知道,田景、建生附近,唔少屋苑都系上车热门。所以今集介绍一啲年青上车客嘅好盘源,又点可以唔唔介绍几个性价比高,又大受欢...
分享: