【屯門搵樓】豫豐花園.聚康山莊.怡樂花園.換樓客的世外桃源

屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋苑,你就唔可以錯過啦!

由信和發展嘅怡樂花園,一直以來受到唔少區內換樓客嘅追捧 屋苑設有三幢物業,提供672個單位,主打兩至三房戶,實用面積介乎三百幾至五百幾呎之間。 呢度單位間隔四正,房大廳大,實用率高達八成以上,仲有自家嘅停車場、泳池、網球場等等住客設施。 望見呢度被優美山景所包圍,住戶都話環境冇得頂。 生活方面,屋苑距離新墟街市大概8分鐘,嗰度大量超市、食肆等等嘅民生商圈俾你選擇。 交通方面,行3分鐘就可以去到輕鐵站,唔介意行多陣,10分鐘就可以去到兆康西鐵站,仲有專線巴士,可以直達深圳灣。

坐上輕鐵,去到藍地,就見到第二個要介紹嘅屋苑-豫豐花園豫豐花園05年落成,擁有12座物業,合共1576個單位。 作為區內相對年輕嘅私樓,屋苑外觀新淨,主打兩至三房!而且唔少單位設有露台,而且內園翠綠怡人,空間闊落, 而且屋苑嘅會所設施齊全,游泳池、健身室、桑拿房等等,對享受生活嘅換樓人士,特別吸引。 豫豐花園附近有超市食肆等等基本配套,而且著名藍地大街就係左近,特色店鋪任你行。 交通方面,屋苑距離藍地輕鐵站大約10分鐘,青山公路大馬路,亦有多條穿梭港九嘅巴士路線。

呢區出九龍嘅主要選擇,一定係兆康西鐵站,所以附近嘅聚康山莊,都非常搶手。 有新鴻基發展嘅聚康山莊,屬於區內較新嘅私樓,4座物業,提供684個單位, 屋苑主攻兩房單位,佔供應量8成!同時亦設有過千呎嘅特色單位,吸引愛好大單位嘅換樓客 呢度除咗特色豪華會所之外,仲有過萬呎嘅園藝花園,令屋苑更添綠化氣息 日常消費購物,可以去到旁邊嘅兆康商場、富泰商場,或者搭車去屯門市中心shopping。 最後講埋交通,屋苑門口有機場巴士站,亦有港鐵巴士!就算答唔到都唔緊要,行路過去兆康站都只係5至8分鐘,出行就更有預算。

如想了解多啲關於以上屋苑嘅資訊?歡迎向我們的在線客服查詢!

相關文章 :

【 馬鞍山搵樓】聽濤雅苑.銀湖·天峰.星漣海.新貴換樓潮流地... 自從馬鐵通車之後,馬鞍山成為唔少換樓客嘅必爭之地。呢度環境優美,背山面海,社區配套成熟,而且發展潛力巨大。今次要介紹嘅換樓熱點,絕對係唔少中...
【屯門搵樓】大興花園.新屯門中心.兆隆苑.年青上車盤.屯門三大精選... 屯門區,樓價門檻低,屋苑質素普遍高,以上種種成為唔少上車人士嘅睇樓第一站。今集,我地就一齊睇下三個屯門不同地段嘅上車屋苑,有冇邊個啱你心水!...
【馬鞍山搵樓】天宇海.曉峯灣畔.嵐岸.換樓新熱點... 近年唔少換樓客聚焦馬鞍山,全因馬鐵通車之後,呢度嘅靚盤漸漸受到大眾注目!無敵海景,背山面海,成熟嘅配套發展,靜中帶旺嘅社區模式,係唔少換樓人...
【屯門搵樓】澤豐花園.翠林花園.景峰花園.三大靚房「花園」全面睇... 好多追求單位實用靚間隔嘅人士,都特別鍾情於居屋盤,而屯門就有唔少靚則居屋,設計格局甚至同私樓有得揮。...
【屯門搵樓】豐景園.南浪海灣.富健花園.美景動人靚則盤... 係好多年前,屯門區交通仍然未係咁方便,為咗吸引用戶,唔少樓盤嘅單位間格都設計得四正實用。而家屯門交通便利,呢啲間隔咁好嘅靚盤,立即成為搶手貨...
分享: