【沙田搵樓】帝堡城.花園城.田園閣.優質學府逐個捉

沙田人傑地靈,居住旺中帶靜,空氣清新風景怡人,絕對適合家庭居住。不過搬去沙田住,小朋友嘅校網分配又會係點?呢區有邊啲出名嘅學校呢?今集就向大家介紹一下沙田嘅校網,並且分享吓呢度附近一啲家庭靚盤啦。

今次要介紹嘅單位,全部都屬於91校網。呢個校網喺沙田區都相當出名,因為呢區最受歡迎嘅小學,差唔多都係喺晒91校網裏面。例如沙田圍呂明才小學、培基小學、保良局蕭漢森小學、香港浸會大學附屬學校王錦輝小學等等,都相當有名氣。同時間沙田學校質素平均,大部份學校都係Band 1同2,例如沙田崇真中學、浸信會呂明才中學、聖公會曾肇添中學、沙田官立中學、沙田培英中學等等,淨係數Band 1都有成10幾20間
聽完之後,係咪好想同小朋友一齊搬來呢一區住呢?立即向大家分享幾個心水樓盤。

第一個要介紹嘅就係帝堡城!屋苑由七座物業組成,合共1744伙。除咗樓齡較新之外,呢一個屋苑仲係區內罕有嘅中型單位盤源,單位主要分兩房同三房,平均面積由五百幾呎起,適合家庭用戶。而屋苑有超過100,000尺嘅住客會所俾住戶使用。由於屋苑位處大老山隧道口附近,所以交通非常豐富,附近嘅巴士四通八達,出九龍特別方便。周圍仲有齊各式生活小店,如果想買餸同埋補充日用品,就可以去到旁邊廣源邨嘅街市同商場。

第二個要介紹,就係同沙田市中心只係一河之隔嘅花園城。屋苑一共分三期,八個物業合共1200幾個單位,主打一至兩房設計,面積大約2-300幾呎左右。呢度方便指數爆曬燈,首先屋苑設有樓下平台花園,可以比小朋友嬉戲玩樂。樓下地舖亦有各式小店,衣食住行基本配套齊備。屋苑亦非常靠近沙田圍站,無論係返學,返工,定係出門去沙田市中心shopping,都非常方便。

不過講到大家庭單位,就唔可以唔睇田園閣。屋苑位於沙田圍路9-11號,兩座物業提供144個單位。點解咁少單位?因為呢度統一三房間隔,實用率高達八成,係唔少大家庭換樓嘅目標之選。附近交通四通八達,一程小巴5分鐘就已經可以去到沙田市中心,區內主要學校,搭車都15分鐘左右就到。而且去到沙田新城市廣場,除咗行街shopping之外,平日仲可以喺沙田站轉車返學返工,亦都非常方便!

如想了解多啲關於以上屋苑嘅資訊?歡迎向我們的在線客服查詢!

相關文章 :

【沙田搵樓】顯徑邨.嘉田苑.海福花園.怡人社區.健康之選... 18區當中,如果要選出最健康嘅區域,沙田區絕對係三甲之一!無論扒龍舟或者跑步都係知名熱點,而且周邊群山翠綠包圍,空氣清新怡人。...
【沙田搵樓】沙田中心.希爾頓中心.偉華中心.年青上車私樓三重奏... 沙田社區配套發展成熟,生活多元化,令唔少年青人想係呢度安居置業!如果想喺度搵私樓,又有啲乜嘢好介紹?...
【沙田搵樓】美城苑.富嘉花園.雲疊花園.港鐵實用屋苑... 沙田區發展成熟度高,擁有優質交通配套!加埋屯馬線、沙中線三線加持,絕對係將來嘅交通重心。亦因為咁,咁多年來,好多屋苑都圍繞住沙田站進行發展。...
【沙田搵樓】駿景園.欣廷軒.翠華花園.沙田.多元享受生活屋苑... 人生不同階段都有各自追求,買樓亦都係一樣!不過,對生活嘅享受,每個階段都唔可以輕易錯過。...
【屯門搵樓】錦華花園.康德花園.盈豐園.鐵路屋苑潛力選... 十幾年前,屯門交通仲未係咁方便,令到唔少買家因而卻步。今時今日,西鐵、輕鐵貫通新界區,九龍入新界,隨時快過過海 所以今集就帶大家一齊睇吓,屯...
分享: