【沙田搵樓】沙田中心.希爾頓中心.偉華中心.年青上車私樓三重奏

沙田社區配套發展成熟,生活多元化,令唔少年青人想係呢度安居置業!如果想喺度搵私樓,又有啲乜嘢好介紹?今次帶大家睇晒三個沙田地標上車私樓屋苑,睇吓呢度會唔會有你嘅心水。

沙田區有三個「中心」都係上車嘅熱門之選!第一個,就係好多人認識嘅沙田中心。作為沙田區傳統私人屋人苑,位置佔盡地利人和,屋苑由八座U字型排列嘅大廈組成,提供接近1500個單位,主打約300呎嘅1-2房嘅上車單位,樓上有平台花園為住戶提供休憩空間,樓下就係人流暢旺嘅大型商場,購物、娛樂、消閑都非常方便。由於各大商場都有天橋連接,無論翻風落雨都唔使擔心。屋苑距離沙田站都只係幾分鐘嘅路程,樓下亦有巴士總站提供不同地區嘅巴士路線,難怪備受上車客追捧!

另外一個熱選屋苑,就係最近沙田站嘅偉華中心。由長江實業發展嘅偉華中心,一共有四座832伙,單位開則一律係兩房細單位,極受上車客歡迎,不過盤源唔多,如果見到就千祈唔好錯過。偉華中心樓下自設商場,不過住喺沙田嘅朋友都知道,其實幾個商場都係連埋一齊,商店種類繁多!屋苑冇會所?唔緊要,樓下有大會堂、圖書館、沙田公園,樣樣都係精彩好去處。交通,沙田站就自然係首選!即使野就返屋企,樓下就有巴士總站提供大量往返嘅通宵巴士及小巴。

第三個要介紹嘅,就係區內傳統上車盤︰希爾頓中心。呢個屋苑有四座大廈組成,提供928個單位,實用面積大約270幾至400幾呎左右,屋苑主要提供2-3房戶,當中超過七成係兩房上車單位,大廈有電梯直達商場,大約5分鐘就可以行到去沙田站,沿途仲經過著沙田商場生活圈,除咗樓下嘅希爾頓中心商場,仲有行人天橋連接新城市廣場同偉華中心,大大小小嘅商場任你行!相對上述兩個屋苑,希爾頓中心鄰近沙田文化博物館以及車公廟,細味香港文化,或者想轉番個好運?話都無咁易啦。城門河就喺旁邊,想踩下單車、跑步定散步,都非常舒適。

如想了解多啲關於以上屋苑嘅資訊?歡迎向我們的在線客服查詢!

相關文章 :

【沙田搵樓】帝堡城.花園城.田園閣.優質學府逐個捉... 沙田人傑地靈,居住旺中帶靜,空氣清新風景怡人,絕對適合家庭居住。不過搬去沙田住,小朋友嘅校網分配又會係點?呢區有邊啲出名嘅學校呢?今集就向大...
【沙田搵樓】顯徑邨.嘉田苑.海福花園.怡人社區.健康之選... 18區當中,如果要選出最健康嘅區域,沙田區絕對係三甲之一!無論扒龍舟或者跑步都係知名熱點,而且周邊群山翠綠包圍,空氣清新怡人。...
【沙田搵樓】駿景園.欣廷軒.翠華花園.沙田.多元享受生活屋苑... 人生不同階段都有各自追求,買樓亦都係一樣!不過,對生活嘅享受,每個階段都唔可以輕易錯過。...
【沙田搵樓】美城苑.富嘉花園.雲疊花園.港鐵實用屋苑... 沙田區發展成熟度高,擁有優質交通配套!加埋屯馬線、沙中線三線加持,絕對係將來嘅交通重心。亦因為咁,咁多年來,好多屋苑都圍繞住沙田站進行發展。...
【屯門搵樓】兆山苑.富健花園.啟豐園.屯門河畔上車寶地... 屯門,相信係唔少年青人上車嘅第一個搜尋地點!全因為呢區嘅樓價門檻較低,令到唔少置業人士前來尋寶。我哋今集,就聚焦喺屯門河同蝴蝶灣一帶嘅上車靚...
分享: