【沙田搵樓】顯徑邨.嘉田苑.海福花園.怡人社區.健康之選

18區當中,如果要選出最健康嘅區域,沙田區絕對係三甲之一!無論扒龍舟或者跑步都係知名熱點,而且周邊群山翠綠包圍,空氣清新怡人。到底喺沙田區,有邊啲地方可以成為健康之家?

呢度四周有綠化小樹林,又有一大片嘅晴天,向下望少少,就係我哋今日要介紹嘅顯徑邨。位於沙田車公廟路69號嘅顯徑邨,屬於租置屋計劃下嘅公屋盤。屋苑由八座Y字型大廈組成,提供近5900個單位,大約300幾至500幾呎左右,間隔四正,方便住戶裝修設計。顯徑邨附近綠化帶充足,四周圍甚少高樓大廈,無論環境,空氣都會令人心曠神怡,就算街跑亦非常舒適!加上顯徑邨亦有專屬嘅顯徑體育館,泳池、康樂中心等等俾喜愛運動嘅人士選擇。交通方面,主力一定係一街之隔嘅顯徑站,去沙田、出九龍轉車都非常方便。附近亦有多條通往九龍區嘅巴士路線,出行無需擔心。

沿着顯徑邨行入少少,就見到另一個推介居屋屋苑,嘉田苑!六座彈性十字型設計嘅大樓,提供1680個單位,面積大約400至五百幾呎左右,主打兩房設計。附近嘅體育館、單車徑、泳池等等設施,為喜歡運動嘅人士提供多元選擇。除咗顯徑邨商場,住戶可以搭港鐵去到大圍站,又或者去到沙田站行街shopping!大圍站附近比較多平民小店,特色美食!新城市廣場一帶就更多潮流名店,令你樂而忘返。

頭先經過大圍站,唔知觀眾有冇留意到海福花園呢?屋苑屬於私人參建居屋,位於積運街2-8號,整個屋苑由3座物業組成,提供約800個單位,全數都係兩房戶型,間隔四正,深受用家喜愛。先講風景,海福花園附近翠綠雅致,高層仲可以遠望獅子山,單係家居景觀已經令人心曠神怡。運動方面,如果你係熱愛踩單車嘅人士,呢度附近就有好多單車舖,相信一定搵到你心頭好。如果喜愛跑步,沿着車公廟路一路跑到去城門河,可以一邊欣賞河景,一邊慢慢段練身心。至於交通方面,大圍站距離屋苑大概只係3分鐘左右嘅路程,車站貫通南北東西,無論想去邊,都非常方便。

如想了解多啲關於以上屋苑嘅資訊?歡迎向我們的在線客服查詢!

相關文章 :

【沙田搵樓】駿景園.欣廷軒.翠華花園.沙田.多元享受生活屋苑... 人生不同階段都有各自追求,買樓亦都係一樣!不過,對生活嘅享受,每個階段都唔可以輕易錯過。...
【沙田搵樓】美城苑.富嘉花園.雲疊花園.港鐵實用屋苑... 沙田區發展成熟度高,擁有優質交通配套!加埋屯馬線、沙中線三線加持,絕對係將來嘅交通重心。亦因為咁,咁多年來,好多屋苑都圍繞住沙田站進行發展。...
【沙田搵樓】帝堡城.花園城.田園閣.優質學府逐個捉... 沙田人傑地靈,居住旺中帶靜,空氣清新風景怡人,絕對適合家庭居住。不過搬去沙田住,小朋友嘅校網分配又會係點?呢區有邊啲出名嘅學校呢?今集就向大...
【沙田搵樓】沙田中心.希爾頓中心.偉華中心.年青上車私樓三重奏... 沙田社區配套發展成熟,生活多元化,令唔少年青人想係呢度安居置業!如果想喺度搵私樓,又有啲乜嘢好介紹?...
【馬鞍山搵樓】馬鞍山中心.雅典居.曉峰灣畔.海天一角.走進馬鞍山特色屋苑... 自從馬鐵通車之後,馬鞍山社區得到迅速發展。呢個社區寧靜雅致,自成一角,係唔少追求生活享受人士夢寐以求嘅地方。今次一齊行吓馬鞍山,睇吓有邊啲令...
分享: