【馬鞍山搵樓】馬鞍山中心.雅典居.曉峰灣畔.海天一角.走進馬鞍山特色屋苑

自從馬鐵通車之後,馬鞍山社區得到迅速發展。呢個社區寧靜雅緻,自成一角,係唔少追求生活享受人士夢寐以求嘅地方。今次一齊行嚇馬鞍山,睇嚇有邊啲令人心曠神怡嘅靚盤?

馬鞍山馬鞍山中心絕對係最具代表性嘅屋苑之一。位於鞍駿街1號嘅屋苑,有四座物業,單位總數係1048伙。呢度主要係2-3房設計,實用面積大約360幾至600幾呎不等。雖然屋苑不設住客會所,但係泳池、健身室設施一樣有齊。附近亦有運動場,泳池等等社區配套,喜愛活動身心嘅人士不愁着落。屋苑旁邊就係馬鞍山站,交通方便之餘,住戶仲可以喺車站上蓋嘅新港城購物圈shopping購物,呢度樣樣齊備,喺馬鞍山居民消費生活嘅集中地。

馬鞍山中心冇幾遠嘅地方,就見到第二個屋苑-雅典居。位於西沙路68號嘅雅典居,一字排開,外型獨特鮮明。呢度一共有10座物業,一梯四伙,提供1064個單位。單位面積由875至1068呎,而頂層亦提供40個複式單位,面積大約1745至2075呎。呢度屋苑旁邊就係吐露港美景,正所謂海天一色,另一邊嘅住戶就可以望到八仙嶺嘅山景,背山面海,任君選擇。屋苑嘅私人會所設施豐富,整個設計仲要係古希臘宮殿外型,相當別樹一格。如果屋苑嘅住戶想行街散散心,可以選擇馬鞍山公園,或者海濱長廊,享受獨特嘅城市海景。

望見呢條海濱長廊,可能你會諗,有個完美嘅海景單位就心滿意足?咁就一定要帶你嚟睇嚇曉峯灣畔。對於追求靚景嘅用戶,曉峯灣畔就最適合不過,因為屋苑同海景無縫對接,超過一半嘅單位都擁有吐露港景觀。單位間隔主要係兩至三房,實用面積有470尺,屬於大房大廳格局,部份高層單位設有露台。呢度擁有吐露港無敵海景,若果天氣好的話,連遠方嘅八仙嶺山景都可以一齊睇埋,真係名副其實嘅海天一色。屋苑嘅會所亦相當多元化,康體設施全部齊備。屋苑行大約五至7分鐘,就可以去到大水坑站,附近街道巴士站,亦提供港九新界多條路線。平日購物,可以去到旁邊嘅錦泰商場!想多啲選擇,可以搭馬鐵前往馬鞍山站,行下由新港城中心、馬鞍山廣場等等大型商場組成嘅購物商圈。

如想了解多啲關於以上屋苑嘅資訊?歡迎向我們的在線客服查詢!

相關文章 :

【馬鞍山搵樓】錦豐苑.錦泰苑.錦英苑.錦繡置業新勢力... 近年唔少年青人,將馬鞍山定位為首次置業嘅目標。自從馬鐵通車之後,馬鞍山唔少優質居屋逐漸出現喺大家眼前!沿海包圍,景色怡人,交通方便……種種優...
【 馬鞍山搵樓】聽濤雅苑.銀湖·天峰.星漣海.新貴換樓潮流地... 自從馬鐵通車之後,馬鞍山成為唔少換樓客嘅必爭之地。呢度環境優美,背山面海,社區配套成熟,而且發展潛力巨大。今次要介紹嘅換樓熱點,絕對係唔少中...
【馬鞍山搵樓】天宇海.曉峯灣畔.嵐岸.換樓新熱點... 近年唔少換樓客聚焦馬鞍山,全因馬鐵通車之後,呢度嘅靚盤漸漸受到大眾注目!無敵海景,背山面海,成熟嘅配套發展,靜中帶旺嘅社區模式,係唔少換樓人...
【東涌搵樓】智能東涌 宜家宜居 自問走在潮流尖啄,無論衣食住行定屋仔、車仔、老婆仔、BB仔邊一方面都需要把握先機,只有快人一步先可以理想達到!...
【屯門搵樓】新圍苑.良景村.兆軒苑.屯門首置不求人.居屋公屋大搜查... 如果住喺屯門嘅朋友一定知道,田景、建生附近,唔少屋苑都係上車熱門。所以今集介紹一啲年青上車客嘅好盤源,又點可以唔唔介紹幾個性價比高,又大受歡...
分享: