【1% Anthony】行動力

讀者來信

Anthony Sir你好!我一直都有睇你的專欄,都知道應該要買樓投資,但我平時的工作很忙,每天朝九晚九,有時星期六日都要工作,下班後已經只有半條人命,如何還抽得出時間投資呢?

回覆讀者來信

絕對理解你的情況!

一直以來,筆者都是窮忙族,直到最近幾年投資開始收成,財務自由了,才有機會好好感受生活,做自己喜歡做的事。記得初初出來工作的時候,我在電視台工作,出名人工低,於是就努力秘撈搵錢,日以繼夜,夜以繼日。後來跳槽到美容集團做管理層,人工高了,不用再秘撈,但責任重大,每天朝九晚十。後來自己出來創業,遇上金融海嘯,生意淡薄,唯有咬緊牙關,乜都做乜都試,關關難過關關過,更加是On Call 48小時!

就是因為唔想再做窮忙族,給予我很大的動力去投資!投資唔同返工,需要強大的決心與行動力!

 

返工嘛…朝朝早有鬧鐘嘈醒你,返到公司,老闆會捽你,上司會抦你,同事會催你,客戶會煩你,自自然然就會推着你、迫着你不斷向前行。投資嘛…冇人會迫你,冇人會催你,做又得,唔做又得,人都有惰性,總會給自己借口,遲啲先、樓市跌先…講吓講吓就冇咗件事。間中都會有些學員跟我們說:「其實幾年前已經嚟聽過你哋講座,當時冇下定決定報堂,冇買到樓,如果早幾年買,當時平好多,而家已經賺咗好多啦!」

如何克服這個窮忙族的死胡同呢?

Stephen Covey 的 Time Management Matrix 理論,是影響筆者最深的理論之一,當年看到這篇文章,簡直是當頭棒喝!

 

我們每天的工作,分成四類:

Important and Urgent:毋須多說,每天首先要處理的事。

Not Important but Urgent:例如每天為了應付響過不停的電話、覆之不盡的電郵、沒完沒了的會議,整天時間花光!大部份的窮忙族都是被這些事情所淹沒,不但時間耗盡,就連精神都透支,回家只會煲肥皂劇,沒有心力做真正重要的事。

Not Important and Not Urgent:例如下班之後,花很多時間在玩樂、打機、應酬上,唔係話唔玩,平日工作忙碌,壓力大,始終都需要有Balance的生活,只是要選擇,要控制時間而已。

 

甚麼是真正重要的事?就是第四種我們往往忽略的事…

Important but not Urgent:例如在事業上,在工作以外,你有一些新構想、新計劃,往往興奮的想好了,然後就放在一旁,直到被他人捷足先登,才懂得驚呼慘叫!

 

投資…絕對是屬於 Important but not Urgent!

首先,你要下定決心,我當年就是因為想擺脫窮忙族的生活,想發達、想翻身、想財務自由,所以就下定決心一定要做!是一定要做!其次,你要安排時間學習與實踐,學習方面,除了多留意市場資訊,也要向成功的人學習,實踐方面,必須要擠出時間來睇樓及做準備!最後,你要敢於出擊!試想想,如果幾年前,甚至十年前,你踏出了第一步,今天還要每朝起來窮忙嗎?

相關文章 :

【1% Anthony】買樓好難 Anthony Sir你好!我身邊個個朋友都覺得買樓好難,大部份人都覺得無置業希望,你會如何勸免年青人呢?...
【1% Anthony】唔想為買樓咁大壓力? Anthony Sir 你好!身邊很多朋友都為買樓而煩惱,其實買樓是必要的嗎?又要儲錢又要供樓,實在太大壓力了,何必要讓自己背負那麼大的壓力...
【1% Anthony】自住需要與投資需要 我今年30歲了,還未有計劃結婚生仔,身邊好多朋友都叫我買樓,其實我是跟家人住的,仲有自己的房間,根本就沒有自住需要,仍然需要留意樓市,需要計...
【1% Anthony】讀者來信:買樓是付出還是機會?... 我都讚成朋友所講,買樓是好的,但始終我還是鼓唔氣勇氣,每次想到要好辛苦儲錢儲首期,每次想到買樓之後要供樓,個個月人工唔見一大截,就覺得好辛苦...
【樓市蔣門人 Lucy】樓市危中必有機 想買樓上車,又或者投資樓市的朋友,總是想在樓市最低的時候入貨,最高的時候離場,以賺取最多的利潤。現時,正是樓市下行的好時機。...
分享: