【元朗搵樓】原築.御景園.蝶翠峰.低密度健康人生

香港地小人多,屋苑樓盤起到密密麻麻。但係如果有人追求環境舒暢,自然係要向低密度發展 。如果你有呢個意向,元朗就啱晒你啦。

離開元朗市中心,有唔少低密度嘅住宅群,先講御景園。屋苑6座物業,只係得473個單位,平均每座少於80戶,建築密度夠晒低 。屋苑主打兩房及三房連套房,空間感大,而且每幢樓高大約十幾層,令到每戶採光度都好充足。除咗高級住客會所之外,御景園樓下有大量綠化空間,而且旁邊就係元朗公園,適合鍾意郊外景觀嘅朋友。呢個屋苑最大特色,就係車位充足,比例近乎一比一,對於揸車人士絕對係一大福音! 不過屋苑亦安排穿梭巴士,接送住戶前往元朗廣場,屋苑門口亦有巴士前往元朗同埋朗屏站。日常生活,元朗嘅形點商場或者大街,就提供大量購物選擇。

離開公園行落十八鄉路,冇幾耐就會見到我哋第二個要介紹嘅屋苑,原築。一字型排列喺屋苑嘅最大特色,4座物業提供542個單位。今集介紹嘅三個屋苑當中,呢個屋苑嘅景觀最開闊,因為物業一字排開,無論前後嘅住戶,視線都無遮無擋,中高層單位,仲可以望晒市中心同村屋嘅景色。屋苑規模唔大,但係環境設施都相當充足,會所己經有齊基本配套。 由於鄉效路段景色豐富,唔少喜愛緩跑嘅人士,都經常喺度鍛練身心。

交通方面,屋苑同樣提供專車接送,往來屋苑同元朗西鐵站,去到西鐵站,出市區都只係需要30分鐘。朝早繁忙時間,仲有特別班次嘅巴士,前往觀塘銅鑼灣等等上班地點。

第三個介紹嘅就係蝶翠峰,同樣都係主打低密度嘅生活空間。蝶翠峰係附近規模比較大嘅中低密度屋苑,18座物業,平均樓高14層,提供1674個單位。屋苑主打三房戶型,間隔變化比較多,亦提供兩房單位。喜愛運動嘅住戶,除咗可以喺屋苑會所裏面搵到健身室泳池等等嘅康體設施之外,附近亦有體育館,可以話大把選擇。 交通方面,屋苑同樣提供穿梭巴士,前往元朗廣場同埋元朗市中心一帶 。

以上屋苑都可以話係靜中帶旺,動靜皆宜。 今集介紹係咁多,想知多啲?歡迎按此向我們的在線客服查詢!

相關文章 :

【天水圍】新時代.新市鎮.新風貌 天水圍新市鎮位於新界西北, 佔地約406公頃, 由填平魚塘而建成, 屬於香港第三代新市鎮。天水圍區規劃相當獨特,南部及西部的地區發展較高密度...
【天水圍搵樓】嘉湖山莊.天盛苑.天頌苑.健康生活便利屋苑... 坐擁香港後花園嘅天水圍區,一向都係愛寧靜同埋追求健康生活人士嘅聚居點。 如果你欣賞天水圍呢一點,並且打算喺度定居嘅話,咁樣今集介紹嘅內容,你...
【元朗搵樓】爾巒.RESIDENCE譽88.好順意大廈.間隔靚盤之選... 元朗區嘅物業選擇總類繁多,由上車樓盤到豪宅洋房都有, 所以靚間隔嘅盤從來都唔缺乏,不過云云屋苑當中,有邊啲係精選?...
【元朗】多元文化 優質置業 香港人口每年攀升,令到房屋居住的需求量不斷增加,亦因為這樣不少人開始將置業的目光投放於核心社區以外的週邊地區。隨著元朗的迅速發展配套日益完善...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
分享: