【南區搵樓】海怡半島・深灣9號・悅海華庭・海色秀麗屋苑生活遊

港島南區一向都係景色優美嘅地方,大部份私人屋苑,都充滿休閒嘅生活品味 今集帶大家一齊走訪呢一區嘅屋苑,睇吓邊種生活模式最能夠打動你 

如果閣下對於大型屋苑特別有興趣,南區最出名嘅一定係海怡半島海怡半島由和黃發展,分四期,共建有34座住宅大廈,接近一萬個單位。 屋苑最大特色,就係三面環海,多數嘅樓宇都係沿住海岸意見醒(嚟起),好多單位都可以睇倒海景!呢個屋苑,亦都係今集介紹三個屋苑當中,海景最為開闊突出! 而且屋苑設有八萬幾尺嘅花園,仲有唔少設計得美輪美奐嘅綠化空間,十足一個花園城市,係獨立自在嘅生活小天地。 生活方面,海怡廣場提供多元化嘅購物選擇,而且仲有埋康體大樓,比鍾意運動嘅住戶更多選擇!加上近年海怡半島站落成,呢個屋苑從此就唔再「吊腳」,出入更加方便

今年南區都有一個地方越嚟越有生活格調,就係黃竹坑!呢度嘅深灣9號,亦都係值得推介嘅屋苑!深灣9號由六座分層樓宇以及11座獨立屋組成,合共411伙,2012年落成,樓齡非常年輕 屋苑主攻大單位,超過八成都係三房或者四房嘅大型間隔!而且單位面向香港仔避風塘,景觀極具特色,吸引唔少優質品味嘅人士居住 如果閣下係注重環保嘅人士,呢個屋苑仲榮獲過環保大獎,每年減少接近400噸嘅碳排放,令你住得更加心安理得! 交通方面,由屋苑步行至黃竹坑站大約只係需要10分鐘,而且附近仲有巴士總站貫通港九,非常方便!

今年黃竹坑工業區 大力發展特色小店,無論餐廳、食肆、小店都充滿獨特嘅味道,將來一定會成為第二個生活品味集散地。 不過私樓並唔容易上車,如果閣下想喺中間路線選擇一啲有品味嘅屋苑,不如睇吓悅海華庭 屋苑屬於房協發展嘅格局,由三座大廈組成,提供接近1000個單位! 屋苑外型顏色鮮明獨特,而且有過半單位都可以望倒海景,絕對係樓盤最大嘅吸引點!其餘嘅景致,就有山景 同埋公園景呢啲優質景觀 而且屋苑主打兩房同埋三房,保證住戶有足夠嘅私人生活空間。 屋苑距離利東站只係大概三至5分鐘嘅路程,而且鴨脷洲附近特色美食小店多籮籮,呢度嘅另類漁港生活風味,絕對係香港少有嘅一個特色!

客服熱線:2311-1200

相關文章 :

【筲箕灣】品味筲箕灣SOHO情懷 港島東筲箕灣是新舊交替的社區, 昔日的漁港風情,今日在筲箕灣避風塘一帶仍然見到; 天后廟、譚公廟、城隍廟等,更加盡顯筲箕灣昔日漁家的情懷。 ...
【新手教學】買二手樓流程逐格睇! 二手樓即買即住,加上樓價普遍較同區新盤相宜,成為唔少人上車首選,今集同大家介紹購買二手樓步驟。...
【黃竹坑‧深灣】 躍動港島南 打造高端生活圈... 黃竹坑同深灣一向都係以環境取勝、充滿休閒元素,黃竹坑有咩代表?唔駛問梗係海洋公園喇!深灣呢?非深灣遊艇會莫屬!而呢度嘅屋苑更加受到唔少品味用...
【直播論壇】一手驗樓千奇百趣 二手唔驗唔知「伏」?|特別嘉賓:賴達明... 近年一手樓熱賣,不少新盤入伙,新業主收樓後第一件事,往往是於屋内貼滿 Memo 紙,讓驗樓師檢查清楚,滿意才「收貨」。到底新盤業主收樓程序是...
【領先指標】信心指數回升 減價盤減少 樓價將止跌回穩?... 美聯首創「美聯信心指數」每週追蹤網盤價格變化,反映業主信心及巿場情緒,預示樓價走勢!本週信心指數回升,減價盤按週有所減少。...
分享: