【南區搵樓】海怡半島・深灣9號・悅海華庭・海色秀麗屋苑生活遊

港島南區一向都係景色優美嘅地方,大部份私人屋苑,都充滿休閒嘅生活品味 今集帶大家一齊走訪呢一區嘅屋苑,睇嚇邊種生活模式最能夠打動你 

如果閣下對於大型屋苑特別有興趣,南區最出名嘅一定係海怡半島海怡半島由和黃發展,分四期,共建有34座住宅大廈,接近一萬個單位。 屋苑最大特色,就係三面環海,多數嘅樓宇都係沿住海岸意見醒(嚟起),好多單位都可以睇倒海景!呢個屋苑,亦都係今集介紹三個屋苑當中,海景最為開闊突出! 而且屋苑設有八萬幾尺嘅花園,仲有唔少設計得美輪美奐嘅綠化空間,十足一個花園城市,係獨立自在嘅生活小天地。 生活方面,海怡廣場提供多元化嘅購物選擇,而且仲有埋康體大樓,比鍾意運動嘅住戶更多選擇!加上近年海怡半島站落成,呢個屋苑從此就唔再「吊腳」,出入更加方便

今年南區都有一個地方越嚟越有生活格調,就係黃竹坑!呢度嘅深灣9號,亦都係值得推介嘅屋苑!深灣9號由六座分層樓宇以及11座獨立屋組成,合共411伙,2012年落成,樓齡非常年輕 屋苑主攻大單位,超過八成都係三房或者四房嘅大型間隔!而且單位面向香港仔避風塘,景觀極具特色,吸引唔少優質品味嘅人士居住 如果閣下係注重環保嘅人士,呢個屋苑仲榮獲過環保大獎,每年減少接近400噸嘅碳排放,令你住得更加心安理得! 交通方面,由屋苑步行至黃竹坑站大約只係需要10分鐘,而且附近仲有巴士總站貫通港九,非常方便!

今年黃竹坑工業區 大力發展特色小店,無論餐廳、食肆、小店都充滿獨特嘅味道,將來一定會成為第二個生活品味集散地。 不過私樓並唔容易上車,如果閣下想喺中間路線選擇一啲有品味嘅屋苑,不如睇嚇悅海華庭 屋苑屬於房協發展嘅格局,由三座大廈組成,提供接近1000個單位! 屋苑外型顏色鮮明獨特,而且有過半單位都可以望倒海景,絕對係樓盤最大嘅吸引點!其餘嘅景緻,就有山景 同埋公園景呢啲優質景觀 而且屋苑主打兩房同埋三房,保證住戶有足夠嘅私人生活空間。 屋苑距離利東站只係大概三至5分鐘嘅路程,而且鴨脷洲附近特色美食小店多籮籮,呢度嘅另類漁港生活風味,絕對係香港少有嘅一個特色!

客服熱線:2311-1200

相關文章 :

【躍動港島南​】黃竹坑站上蓋 潛力何在?... 施政報告建議推行「躍動港島南」計劃,把南區打造成充滿活力、魄力、勁力,適合工作、居住、創意和消閒玩樂的地區。...
【筲箕灣】品味筲箕灣SOHO情懷 港島東筲箕灣是新舊交替的社區, 昔日的漁港風情,今日在筲箕灣避風塘一帶仍然見到; 天后廟、譚公廟、城隍廟等,更加盡顯筲箕灣昔日漁家的情懷。 ...
【新手教學】買二手樓流程逐格睇! 建議買方在交易日或之前最後檢查房屋,以確定能否順利交吉(交吉:房子是空的,而且原業主沒有拖欠任何費用)。在雙方律師審核樓契確保無誤後,由買賣...
【你想做業主】40萬首期揸手 460萬樓有冇得諗?... 美聯物業特約VIU TV【你想做業主】置業真人show將從11月14日起,連續三週於周六晚10:45熱播!...
【新盤追擊】黃竹坑站揚海登場 匯聚名人富豪... 【on.cc東網專訊】港鐵黃竹坑站上蓋項目港島南岸登場以來,一直備受注目,第一期甫推出,即吸引不少城中名人富豪爭購單位,第二期揚海(LA M...
分享: