【堅尼地城】堅尼地舊城新貌 Work-Life Balance首選

位於香港島最西面的堅尼地城,一聽個名就知係殖民地時候起咖啦,佢係以香港第七任總督「堅尼地」命名。宜家呢度仲保留住一點點殖民地氣息,加上鄰近香港最高學府香港大學,整個社區富有極濃嘅文化氛圍。

堅尼地城嘅範圍,包括西寧街至卑路乍街與皇后大道西交界,由於住宅密度較低,旺中帶靜,係香港島其中一個受追捧的住宅區,特別受到外籍人士歡迎。

港鐵直達中環
而這座「老香港」舊城,因著港鐵嘅通車,已經退變、有新的面貌。以往堅尼地城主要靠地面交通,例如巴士、小巴及電車等往返港島嘅核心地帶,不過自2014年港鐵港島線西延段通車,堅尼地城站成為港島線西面總站之後,這區嘅吸引力即時提升,因為由堅尼地城去中環只係五個站,大約8分鐘;而去南區亦只係三個字(15分鐘),啱晒喺核心商業區工作嘅白領。

名牌學府近在咫尺
堅尼地城另一個賣點係佢嘅書香氣息,皆因附近有香港大學,雲集全港、甚至全球嘅精英,唔少來自海外嘅教授或者學術專材,都愛聚居於呢一帶,貪佢既方便,又不失傳統學術文化色彩。這區國際學校林立,包括有英基開辦嘅堅尼地城小學、港灣學校、香港學堂國際學校等。

同時,堅尼地城有全港家長趨之若鶩嘅11校網,數得出間間都係傳統名校,包括嘉諾撒聖心學校、聖士提反女子中學附屬小學、般咸道官立小學等。中學有亦是頂級,有英皇書院、聖保羅書院、英華女學校及高主教書院等。所以話,即使唔少家長好似「孟母三遷」咁,搬嚟堅尼地城,亦正常不過,間間都係名牌學校,又點會唔吸引呢!同時帶動這區嘅物業市場非常活躍,無論係買賣或者租務市場,都有價有市。

海濱寫意生活                                                               
堅尼地城環境亦勝人一籌,當中不乏公共空間供附近居民享用,例如面向卑路乍灣有新海旁街,閒時海濱散步幾咁寫意;附近嘅卑路乍灣公園,有寬闊大草地,又有大型兒童遊樂場及緩跑徑等,啱晒一家大細消磨一個下午;昔日堅尼地城出名有多個泳棚,但宜家嘅堅尼地城公眾泳池亦唔失禮,室內外泳池嘅最大賣點係喺游水嘅同時,可以欣賞維港靚景。除此之外,區內屋苑附近仲有唔少行山徑,約三五知己一齊做山系男女都咪話唔寫意!呢區嘅康文設施可謂動靜皆宜,係士美非路有體育館又有圖書館。

伸延的蘇豪區
堅尼地城吸引到不少外籍人士居住,其中一個原因是在舊式嘅橫街窄巷之中,有不少時尚餐廳進駐,昔日嘅老街,活化成潮流嘅建築,可以說是蘇豪區嘅伸延,而新海旁一帶嘅露天食肆,又可讓顧客享受海濱美景。要數平民食肆,有士美菲路市政大廈及石山街熟食中心等。

想搵堅尼地城筍盤?立即按此查詢!

相關文章 :

第一次租屋好頭痕?達人為您拆解疑感|特別嘉賓:「宅·旅孩」Cherry、洪嘉健... 樓市交投旺,連帶租務市場亦發力炒上,暑假傳統租務旺季,唔想爭崩頭捱貴租,有咩實戰貼士?由「租屋達人」90後Blogger Cherry及樓巿...
【名人教置富】旅遊KOL謝利 豪宅區「上車」有辦法|特別嘉賓:謝利(Jerry.C)、廖家輝... 疫情重創旅遊業,旅遊達人兼節目主持謝利(Jerry),睇樓多年,疫市「落地」置業,以$600萬「上車筍價」榮升羅便臣道業主,搵樓旅程有咩貼地...
【港島】後疫情時代的換房首選——4房大戶 複式雙層... 2020年的一場疫情,使得被動隔離且住在中小型單位的人感受到家裡的空間太小,沒有自己的獨立空間。美聯物業3位「專業有型的地產代理」,便為大家...
【港島西】樓下遍地米其林 隔壁港大書香氣 8分鐘到中環 瞭解?... 又來到我們的「區區有看頭」,上一期為大家介紹了最近大勢的港島南,如果說那是工廈區活化,那今天就是老城區新貌,看下面這張照片知道是哪裡了嗎?...
分享: