【新蒲崗搵樓】嘉峰臺・瓊山苑・鑽嶺・年輕置業夢成真

好多人話樓價高,資金限制左年青人嘅上車夢,我就話,好多優質筍盤其實隱藏各區各地。嚟到新蒲崗呢度,就有三個上車屋苑,睇下有冇機會一圓你嘅置業夢?

第一個要介紹嘅就係新蒲崗嘅嘉峰臺!屋苑屬於私人機構參建居屋,由五座物業組成,總共2010個單位。屋苑主打兩房及三房單位,實用面積就由400幾至600幾呎左右,間隔四正,實用率超過八成。單位景觀方面,以翠綠山景為主,部份向南嘅單位更加可以遠望啟德海景,可謂景致多變。嘉峰臺地勢較高,住戶可以遠離繁囂,適合喜愛寧靜生活嘅年輕上車客。屋苑亦自設商場,附近食肆商鋪齊備,生活配套不假外求,屋苑樓下亦設有穿梭黃大仙鑽石山嘅小巴站,班次非常頻密。

第二個要介紹嘅,嘉峰臺旁邊嘅瓊山苑。同樣屬於居屋物業嘅瓊山苑,由六座物業組成,合共提供1584伙單位,屋苑同樣都係主打兩房及三房單位,實用面積就由400幾至500幾呎左右。由於屋苑屬於區內早期居屋,所以設計實用性高,單位四正無窗台,令到空間更加見使,而且樓價易於承擔,所以成為唔少首次置業人士嘅心頭好。雖然瓊山苑並無屋苑商場,但住戶可以共用附近富山村嘅超市以及商鋪,基本生活無憂,而且附近小巴同巴士線路充足,前往黃大仙同鑽石山都只係幾分鐘嘅車程,無論想去大型街市買餸,定係想去大型商場行街,都非常方便。而且屋苑鄰近蒲崗村道運動場同埋斧山道遊樂場,喜愛運動嘅你,總會搵到適合自己嘅活動空間!

第三個要介紹嘅就係位同區嘅另一個上車盤-鑽嶺。鑽嶺位於環鳳街68號,2018年入伙,係於區內嘅年輕物業之一。而物業屬於單幢式住宅項目,合共234伙,單位面積由198至654呎,當中8成以上為300呎以下嘅上車盤,難怪會成為唔少置業人士嘅心水選項之一。鑽嶺附近社區發展成熟,有街市、食肆同唔少社區商舖,除咗價廉物美,商戶仲好有人情味添,而冇幾遠就有荷里活廣場,大型戲院、潮流商舖、各地美食統統齊備,滿足大家購物娛樂嘅需要。屋苑雖然地勢偏高,但係附近就有唔少巴士同埋小巴路線提供!落到去黃大仙,交通選擇就更加種類繁多。住戶亦可以去到荷里活廣場嘅大型交通中心,坐巴士或地鐵出行,任君選擇。

聽完以上介紹,仲想了解更多嘅屋苑詳情?立即按此向客服查詢!

 

相關文章 :

【新蒲崗搵樓】星河明居・峻弦・譽・港灣・換樓新晉地... 換樓人士,心水之選總係多不勝數。面對呢個苦惱嘅問題,我地美聯自然會幫你排解疑慮,提供更多盤源俾你選擇。...
【主題屋苑】黃大仙上車屋苑逐格睇 作為年青人,想獨立出嚟社會生活,置業自然係首要目標!無論買樓定租樓,手頭資金又未必夠,唔通夢想生活,真係海市蜃樓?...
【新手教學】破解按保4大迷思? 唔少業主都會選擇敍造高成數按揭以減輕首期負擔,按揭保險便成為他們上車的常用方案。置業初哥想順利上車,一定要了解清楚按保是甚麼!...
【啟德搵樓】啟德1號2期・嘉匯・龍譽・愛上寵物屋苑的理由... 我哋生性活潑,最愛放電,無得玩我好悶架!佢咁錫我哋,搵屋唔會唔理我感受吓嘛?...
分享: