【鴨脷洲】鐵路改寫鴨脷洲交通 海景戶再加分

鴨脷洲位於香港南區,是香港仔對開的一個島嶼, 由於四面環海,居住環境及自然景觀均相當吸引, 近年更有不少豪宅落成,大部分擁有環徊海景, 成為市場上炙手可熱的社區。

自從南港島綫於2016年通車後, 鴨脷洲增設兩個車站,包括西面的海怡半島站及東面的利東站。 由海怡半島去金鐘,只需約11分鐘車程; 由利東站出發,更只需7分鐘, 減省以往要先經鴨脷洲大橋,再經香港仔隧道往市區的時間。 所以不少在市區返工的人士,都不會介意搭遠幾個站, 進駐鴨脷洲,享受海岸景緻。 此外,利東邨有大型巴士總站, 多條巴士線穿梭香港仔、中環及東區等,居民又往返市區又多個選擇。

南區一向為香港的後花園, 而鴨脷洲更得天獨厚地擁有不少海景, 揀得在這區居住的,都是追求景觀的用家。 因為鴨脷洲向東有深灣;向東南有海洋公園;向西南則有南丫島, 開揚海景是市區難求,因此這裡的私樓一向有價有市,受市場追捧。

住得南區,唔少生活元素都同海有關, 通通都喺賞心樂事, 包括有深灣遊艇俱樂部,啱晒鍾情出海嘅你。 而去到香港仔避風塘一帶,又可以品嘗海鮮美食,感受昔日避風塘氣息。 當然仲有香港人集體回憶嘅海洋公園。

鴨脷洲以住宅為主,居民消費可以到利東商場, 入面有大型超市、便利店、酒樓、餐廳等, 民生需要完全能夠滿足。 另外,不得不提是位於西南的新海怡廣場, 這裡可說是鴨脷洲的OUTLET,是名牌的尋寶地, 不少時裝、童裝及傢具店等,通通都有拆扣, 店鋪之多,一整天亦行不完。

鴨脷洲與海密不可分,區內的活動亦與海為主, 附近有香港仔避風塘,居民隨時可以嘆海鮮又或者到鴨脷洲市政大樓嘅二樓熟食中心,唔少熟客都會喺街市買好海鮮,再搵相熟嘅店家烹煮加工。 另外,深灣遊艇會更是愛好出海之人的聚腳點,亦吸引不少外籍人士聚集, 對岸的海洋公園當然是大人細路都啱玩啦!

而鴨脷洲大街近年亦進行改善工程, 行人路堆砌成龍舟及帆船特色圖案,又設置特色街燈等, 在風之塔公園設置10米高的觀景台, 外形像一艘傳統漁船, 整個社區都富有昔日鴨脷洲的漁業色彩。

鴨脷洲居民環境一流,吸引不少外籍人士居住, 因此附近亦有不少著名的國際學校, 包括蒙特梭利國際學校、 對岸深灣有加拿大國際學校、新加坡國際學校、 及滬江維多利亞學校等。

相關文章 :

【南區搵樓】海怡半島・深灣9號・悅海華庭・海色秀麗屋苑生活遊... 港島南區一向都係景色優美嘅地方,大部份私人屋苑,都充滿休閒嘅生活品味 今集帶大家一齊走訪呢一區嘅屋苑,睇吓邊種生活模式最能夠打動你 ...
【南區搵樓】貝沙灣.南灣.深灣軒.南區豪宅氣派 細味生活之選... 升值潛力、豪宅社區、開揚海景、五星級會所,當然唔可以缺少!邊區有咁嘅靚盤?南區真係實至名歸。以往南區主要靠陸路往返,但自從南港島線開通後,鐵...
【黃竹坑‧深灣】 躍動港島南 打造高端生活圈... 黃竹坑同深灣一向都係以環境取勝、充滿休閒元素,黃竹坑有咩代表?唔駛問梗係海洋公園喇!深灣呢?非深灣遊艇會莫屬!而呢度嘅屋苑更加受到唔少品味用...
【寶翠園】住得高尚致勝攻略 寶翠園位於西半山傳統豪宅地段,屋苑樓下便是港鐵香港大學站,附近亦有多條巴士及小巴路線往返各區,交通方便是屋苑一大優勢......
【新盤懶人包】鴨脷洲倚南姊妹盤亮相 138伙主打細戶型... 自港鐵南港島線通車以來,黃竹坑站、利東站及海怡半島站往返核心商業區更為方便,沿線居所自然成大量中區上班族追捧對象。想要住得更有質素,近期便有...
分享: