【將軍澳搵樓】天晉II・天晉IIIB・海天晉・換樓大戶臨海美景

想換樓,自然希望屋企嘅周邊環境配套設施更上一層樓,但係我相信你內心都有疑問:邊啲先至係換樓好選擇?將軍澳區其實有好多好選擇,今次就為大家介紹將軍澳嘅換樓熱點!

將軍澳嘅天晉II,發展商屬於新鴻基,喺2014年入伙,由於樓齡非常新,所以屋苑無論有外觀裝修新淨,格局都非常具有時代感。屋苑由九座物業組成,提供784個單位,天晉II目標絕對係針對換樓客而設計,全部都係三房大單位,而且屋苑臨海而建,高層擁有更佳景觀,可以飽覽整個將軍澳海濱遠景。屋苑嘅大型私人會所,提供各樣頂級設施,包括室內外大型泳池,健身室以及各類康樂活動室。交通方面,天晉II距離將軍澳站只係幾分鐘路程,係屋苑嘅主要交通工具,住戶亦可以去到鄰近嘅大型商場Popcorn進行消閑購物。

如果想搵一啲大戶嘅特色單位,就可以參考下旁邊嘅天晉IIIB。屋苑毗鄰天晉I,II,IIIA期,屬於單幢式物業,樓高29層,提供326個單位,實用面積,由350幾至到1100幾平方呎,頂層設仲有七個複式特色單位,適合大型家庭嘅換樓客。住戶行去將軍澳站,都只係需要5分鐘左右,而且仲有有蓋天橋連接屋苑,返工返學都非常方便。而且將軍澳站附近商場設施非常豐富,例如popwalk,Popcorn以及將軍澳中心等等,休閒娛樂相當多元化,平日行去附近酒店食下high tea,都係好選擇。如果想活動下筋骨,附近有將軍澳運動場同埋單車館可以俾你享受運動嘅樂趣。

第三個要介紹嘅就係隔離冇幾遠嘅海天晉。相比前兩個屋苑,海天晉係「大單位」上就更具特色 屋苑有九座分層住宅同埋三座獨立屋組成,合共628伙,屋苑單位面積介乎於345-1655呎之間,開則有一房以致大型嘅五房間隔,仲有獨立式同開放式嘅廚房可以比買家選擇。而三座獨立屋,樓高兩層,全部都係五房間隔,面積由1500至1600幾不等,無論年輕玩樓客定中產家庭,都可以係度搵到心水之選。喺屋苑附近有天晉津商場,有50間食肆,零售店舖進駐,保證可以滿足日常生活需要。

如果想多啲選擇,呢度所有嘅商場全部都互相連接,包括大型商場POPCORN,將軍澳廣場,將軍澳中心等等,而且屋苑仲有二十四小時嘅行人通道連接將軍澳中心。而交通同樣都係以將軍澳地鐵站為中心,行路過去大概5至8分鐘就到,如果想搭巴士,附近亦有多條巴士路線去到尖沙咀,九龍城等地方,而旁邊有交通交匯處,亦有多條小巴線路提供。

今次嘅介紹就差唔多,係咪有興趣想再知多啲?立即按此向客服查詢!

相關文章 :

【將軍澳搵樓】天晉・將軍澳中心・蔚藍灣畔・優質港鐵生活網... 港鐵四通八達,係香港人返工、返學、出門嘅首選交通工具,所以如果住嘅地方鄰近港鐵站,肯定大大加分...
【將軍澳搵樓】君傲灣・天晉IIIA・緻藍天・重點校網靚盤大檢閱... 今年將軍澳樓盤火熱,唔少家庭都認為將軍澳係上車或者係換樓嘅好地方,但係除咗居住環境之外,校網亦都係唔少家長其中一樣選「宅」煩惱。...
【多圖】海天晉會所多嘢玩 Boxing同掟鏢都有... 新鴻基地產(00016)旗下將軍澳海天晉日前開放住客會所予傳媒參觀,會所連園林佔地逾6萬方呎,設施多元化,包括備有室外內泳池及獨立燒烤場地....
【將軍澳搵樓】維景灣畔・都會駅・彩明苑・旺中帶靜暢遊身心... 一個健康舒適嘅地區,無論對身心都好有幫助,所以唔少屋苑都以健康同埋優質生活等等做主題。 擁有呢啲元素嘅屋苑,喺邊度可以搵到 ?...
【康城搵樓】首都・領都・領峯・優質配套的寵物天堂... 唔少寵物主人買樓嘅時候,都會諗埋寵物嘅需要,生活空間夠唔夠大呀,附近有冇地方俾佢散步呀…… 唔使擔心,我哋即將帶你去遊區各地嘅寵物屋苑,而今...
分享: