睇樓逐呎度:嘉悅全屋四正 除咗露台!

露台普遍以長形設計為主,但今次《睇樓逐呎度》走訪入伙無耐嘅將軍澳嘉悅,無論大廳定係主人套房嘅露台,竟然採用梯形間隔,「上底」、「下底」長度不一,真係奇怪到一個點呀!各位聰明嘅網民大大,不如發揮吓無窮小宇宙,諗下呢款露台到底點解要咁設計呢?

今期參觀屋苑嘅3房套房單位,實用面積739方呎,最大特色係廳房不設窗台,加上樓底高逾10呎,地方見使好用。單位不設玄關,甫入屋即見大廳,長逾18呎、闊逾9.7呎,走廊將客廳與飯廳分隔,布置家具靈活。客廳外連小露台,令室內光猛舒服。

寢區開則歸一,設於廳堂旁邊,3個房間坐向與客廳一致,其中主人房採套房設計,未計浴室面積逾100方呎,地方闊落,加上相連小露台,係區內少有設計,別具特色。其餘2個房地方唔算大,面積均逾50方呎,幸好不設窗台,可盡用室內空間;而兩個客房嘅窗位皆只有逾6.6呎闊,採光度略嫌不足。

廚房僅闊逾5呎,放置廚櫃後空間唔算多,而廚內設有工人套房,與客廳及寢區分開,保障屋主私隱。美中不足嘅係,大廳至主人房之間嘅走廊長逾15呎,拖低單位實用性。另外,3個浴室都係冇窗戶,空氣有欠流通。

嘉悅為將軍澳南新入伙屋苑,坐落至善街,由2座大廈組成,雖然規模唔算大,但仍設有會所,設施齊全,且鄰近大型商場及港鐵將軍澳站。

[wzslider exclude=”13521″]

資料來源:東網on.cc(2017年8月13日)

有任何香港搵樓或租屋疑問,立即按此向客服專員咨詢!

相關文章 :

【多圖】海天晉會所多嘢玩 Boxing同掟鏢都有... 新鴻基地產(00016)旗下將軍澳海天晉日前開放住客會所予傳媒參觀,會所連園林佔地逾6萬方呎,設施多元化,包括備有室外內泳池及獨立燒烤場地....
睇樓逐呎度:世界級難題!10呎露台有乜用?... 到底10方呎梯形嘅地方有幾大呢?今期《睇樓逐呎度》參觀將軍澳新盤海翩滙嘅兩房單位,就揭曉呢個答案喇!位處主人房入面,呢個名為「工作平台」地方...
【新盤追擊】日出康城凱柏峰I 不單享有鐵路優勢…... 將軍澳日出康城的生活配套愈趨多元及完善,吸引愈來愈多中產聚居。由信和置業、嘉華國際和招商局置地發展的日出康城第11期凱柏峰I(Villa G...
【維景灣畔】將軍澳海景 天作之合 維景灣畔位近地鐵站佔盡地理優勢,景觀之佳更是區內數一數二,整個屋苑的排列設計都是以無遮擋為大前題,當中的第一座至第三座正南單位更普遍享有海景...
MONTEREY示範單位首度曝光 會德豐地產旗下將軍澳南MONTEREY展覽廳及示範單位首度曝光。會德豐地產常務董事黃光耀表示,是次開放3個示範單位......
分享: