袁偉豪張寶兒聯名買樓 6,600萬清水灣築愛巢

藝人袁偉豪及張寶兒聯名買樓,唔通要嚟築愛巢,為結婚準備?據土地註冊處顯示,袁偉豪同張寶兒以聯名形式,以6,568.3萬元買入清水灣豪宅新盤傲瀧一個花園複式單位,實用面積2,205平方呎,連568平方呎私人花園,呎價近3萬!另外,佢哋再以400萬買入兩個車位,加加埋埋使咗約7,000萬!

其實,張寶兒喺2017年時已經購入傲瀧一個細單位,早前先將物業轉畀媽媽。今次袁偉豪以首置身份入市,印花稅繳稅279萬元,慳咗706萬元辣稅!

東網問到袁偉豪買樓一事,佢話:「係畀大家將來用,當大家一齊投資,自住又好投資又好,係一個開始!(愛巢都買埋,幾時好日子?)有好消息會通知大家。」咁啱今日係袁偉豪正日生日,真係一份大禮呀! 寶兒受訪時話:「今次兩個一齊置業,呢個單位價值不菲,唔係一個人就畀到,大家都要努力搵錢,畀大家未來有個目標。(今日男友生日,有咩驚喜畀佢?)呢個新聞已經係一個驚喜!(下半生交畀袁偉豪?)個單位雖然價值不菲,但我先係無價!(好日子定咗未?)有好消息再同大家報告。」


兩人聯名買入傲瀧一個花園複式單位,呎價近3萬!


袁偉豪話係將來用!

資料來源: 東網 on.cc

相關文章 :

汪詩詩斥近3500萬 連購晉環兩伙 土地註冊處資料,香港仔黃竹坑站晉環1A座兩個低層B室單位,分別以1,720.2萬及1,737.4萬港元登記售出,涉及金額共約3,457.6萬...
藝人孫慧雪丈夫擬斥1145萬買揚海 藝人家人入市港島新盤。土地註冊處資料,香港仔黃竹坑站港島南岸第2期揚海2B座低層D室,以約1,145萬元登記售出,新買家為羅天彥(LO TI...
吳紫韻2千萬買樓 與祖藍為鄰 無綫娛樂新聞台主播吳紫韻(Purple),被發現去年底以1,963萬元購入大埔白石角新樓盤朗濤逾千呎單位,相當富貴,對此她回應:「其實都係屋...
羽毛球港隊謝影雪現身睇樓 沙田地膽升呢做業主?... 中洲置業旗下沙田星凱‧堤岸周四(14日)晚上8時截票,市場消息指,羽毛球港隊運動員謝影雪周四(14日)下午現身該盤售樓處,中洲置業營銷策劃總...
新盤動向:傲瀧花園複式戶5622萬元沽 新世界發展(00017)旗下清水灣傲瀧,剛再沽出特色花園複式戶。單位為E座G6,實用面積2,324方呎,屬四房間隔,單位連426方呎花園,成...
分享: