【沙田搵樓】沙田第一城.富豪花園.愉翠苑.年青置業新勢力

唔少年青人置業,沙田區嘅屋苑都會係佢哋嘅候選名單之一 ,全因為呢度環境配套好之餘,樓價仲非常親民,到底點樣吸引法?不如我哋一齊睇嚇! 

沙田第一城屬於沙田區現時最大型嘅屋苑,52座物業組成,超過10,000個單位提供。 屋苑點解吸引年青人?因為雖然佢夠曬大,但係就不設私人會所,所以價格方面就自然更實惠! 而且呢度開則主打兩到三房,距離大馬路較為遠少少嘅座數,價錢仲有一定嘅調整幅度!所以成個屋苑,都有着唔同嘅價位可以比上車嘅年青朋友選擇 而且呢度社區設施完善,有兩個大型商場,超市、街市、郵局等等,連中小學都有幾間喺度,日後組織小家庭,揀學校就自然更得心應手! 交通方面,佢主要當然係港鐵第一城站,不過平時大馬路亦有大量嘅巴士路線提供選擇,出入其實都好方便㗎! 

沙田上車物業當中,不乏有啲靚景嘅屋苑,好似臨近城門河意見嘅富豪花園 ,有14座物業,提供接近2000個單位!主打兩房至三房連套房單位,屬於區內少見以大單位為主嘅屋苑。 雖然單位size大,但係由於屬於80年代樓,所以比同區嘅新樓樓價有一定嘅折讓,而且呢度可以俾你選擇完全冇遮無擋嘅城門河風景,仲可以有翠綠山景,喺上車物業來講,絕對係優質嘅盤源! 屋苑設有商場同埋超市,亦有一啲便利嘅民生小店,適合精打細算嘅朋友!而且沙田第一城就喺旁邊冇幾遠,行過去又可以搵多啲唔同嘅購物選擇 雖然屋苑行去港鐵站都有一定距離,不過好在樓下巴士同埋小巴線路非常充足,貫通港九各區,交通絕對唔係問題!

最後要介紹嘅,當然係上車朋友最愛嘅居屋盤,愉翠苑。 沙田附近有多個大型嘅居屋屋苑,不過2000年後入伙嘅暫時得愉翠苑一個,所以佢嘅樓齡亦都係最新淨 屋苑由16座物業組成,提供超過4000個單位,康和式設計,都係主打2-3房間隔,而且仲提供埋三房連套房間隔添,居屋屋苑當中相當罕見 屋苑交通都係一大賣點,因為距離第一城站都只係幾分鐘嘅路程,而且本身屋苑亦設有巴士總站,真係可以話選擇多多 順帶一提,屋苑旁邊仲有圓洲角體育館、戶外攀登牆等等設施,運動選擇都好充足㗎!

客服熱線:2311-1200

 

相關文章 :

【沙田搵樓】美城苑.富嘉花園.雲疊花園.港鐵實用屋苑... 沙田區發展成熟度高,擁有優質交通配套!加埋屯馬線、沙中線三線加持,絕對係將來嘅交通重心。亦因為咁,咁多年來,好多屋苑都圍繞住沙田站進行發展。...
【沙田搵樓】帝堡城.花園城.田園閣.優質學府逐個捉... 沙田人傑地靈,居住旺中帶靜,空氣清新風景怡人,絕對適合家庭居住。不過搬去沙田住,小朋友嘅校網分配又會係點?呢區有邊啲出名嘅學校呢?今集就向大...
【沙田搵樓】顯徑邨.嘉田苑.海福花園.怡人社區.健康之選... 18區當中,如果要選出最健康嘅區域,沙田區絕對係三甲之一!無論扒龍舟或者跑步都係知名熱點,而且周邊群山翠綠包圍,空氣清新怡人。...
【沙田搵樓】沙田中心.希爾頓中心.偉華中心.年青上車私樓三重奏... 沙田社區配套發展成熟,生活多元化,令唔少年青人想係呢度安居置業!如果想喺度搵私樓,又有啲乜嘢好介紹?...
【沙田搵樓】御龍山.銀禧花園.碧濤花園.靚景.竉物屋苑之選... 有養開寵物嘅你,無論係想置業定換樓,優先要考慮嘅,就一定係照顧咗毛孩主子嘅需要!如果你心儀嘅置業地方係喺沙田區,以下介紹呢三個屋苑唔單只喺可...
分享: