【蓝田揾楼】丽港城・汇景花园・观月.桦峯・一线学府集中地

蓝田观塘嘅楼盘,好似「丽港城」,「汇景花园」同埋「观月.桦峯」近年受到唔少家庭用户追捧,全因为单位性价比高,附近生活方便舒适。但系如果有小朋友,校网就自然系一个不可忽视嘅考虑因素 。所以今次除咗介绍以上三个屋苑之外,仲会同你一齐认识下佢哋嘅校网特色!

丽港城、汇景花园、观月.桦峯都属于小学48校网,中学属于观塘,先讲小学,48校网有好多大受家长欢迎嘅选择,例如蓝田循道卫理小学、圣公会李兆强、德田李兆强两间小学,以及圣爱德华天主教小学等等,区内嘅首选。而中学方面,观塘出名多一线名校,圣言中学、蓝田圣保禄中学、观塘官立中学等等,都系实力强劲嘅名校,所以呢一区向来都系升学嘅首选。但系如果家长想喺观塘区拣一啲年轻少少嘅屋苑,就可以睇下「观月.桦峯」。

观月.桦峯喺2014年入伙,属于市建局重建项目,由信和集团一齐共同发展,有别于观塘传统屋苑,观月.桦峯充满欧陆式设计,系一个39层高嘅单幢式住宅,有299个单位,实用面积介乎400几至1300几呎,提供一房至四房嘅多元化设计,适合不同人数嘅家庭。如果小朋友返学,交通方面就无需担心啦,屋苑为主观塘交通汇聚嘅月华街,港九新界嘅交通应有尽有,而且隔离就系观塘站,如果去附近返学,都系坐一两个站就到,即使小朋友将来跨区上学,都不成问题 !

观塘系香港数一数二嘅多元化社区,无论大型商场,饮食娱乐都一应俱全,衣食无忧。近年唔少家长移入蓝田揾楼,一来屋苑楼龄较新,二来地理位置其实亦相差无几。

汇景花园,港铁蓝田站嘅上盖物业!强大嘅交通优势,令到唔少中产家庭都视佢为热门之选,汇景花园由17座物业组成,超过4000个单位,七成以上都系三房间隔,无论大人定小朋友都有足够嘅空间,作为蓝田站上盖屋苑,交通极为便利,车站仲设有有盖天桥连接屋苑各座,无论日晒雨淋都唔使担心,而且港铁站下面亦有巴士总站,返工返学都有更多选择,邻近嘅丽港城,亦系深受家庭用户欢迎嘅屋苑。

丽港城,属于东九龙其中一个著名嘅蓝筹屋苑。屋苑分四期,共38座,有超过8000个单位,实用面积由500至700几呎不等,以2-3房嘅家庭式设计为主。整个屋苑有三个商场同两个住客会所,提供多元化享受。邻近就系丽港公园,提供大量嘅运动休憩场地,唔会闷亲小朋友。屋苑同蓝田站相距只系5-10分钟,亦有天桥连接至附近出口,无论返学定上班,时间自然更加松动。而丽港城位于蓝田同观塘之间,步行前往观塘广场,或者APM等等大型商场,亦只系10分钟左右,假日带子女出门,就自然更多谂法!

以上三个屋苑有冇你心水之选?如果仲想再知多啲,立即按此向客服查询!

相关文章 :

【大角咀揾楼】君汇港・大同新邨・形品·星寓 ・原区升学比率称王... 不少对学校校网有拣择的父母,都会知道著名的32校网, 可能相比传统名校网,它的名校数量未必有那么多,但是对于不想搬来搬去的家庭来说,这里就是...
【蓝田揾楼】鲤安苑.康华苑.康栢苑.返工生活娱乐一站式... 有唔少年青人选择蓝田屋苑上车,全因为呢度性价比高!除咗楼价弹性大之外,亦有唔少居屋屋苑适合年轻人置业。如果想选择喺蓝田揾楼嘅少年的你,呢度又...
【沙田揾楼】骏景园.欣廷轩.翠华花园.沙田.多元享受生活屋苑... 人生不同阶段都有各自追求,买楼亦都系一样!不过,对生活嘅享受,每个阶段都唔可以轻易错过。...
【屯门揾楼】兆山苑.富健花园.启丰园.屯门河畔上车宝地... 屯门,相信系唔少年青人上车嘅第一个搜寻地点!全因为呢区嘅楼价门槛较低,令到唔少置业人士前来寻宝。我哋今集,就聚焦喺屯门河同蝴蝶湾一带嘅上车靓...
【马鞍山揾楼】迎海.迎海·星湾.迎海·星湾御.迎海靓景三重奏... 香港各区靓景屋苑多箩箩,不过海景绝对系最多人追求嘅终极目标。自从马铁通车之后,马鞍山呢一个临海地段,就成为唔少想拥有靓景单位人士嘅必争之地。...
分享: