【將軍澳搵樓】新都城・海悅豪園・富寧花園・地利靚盤應有盡有


將軍澳
旺中帶靜,而且區內樓齡普遍年輕,係唔少換樓、上車人士嘅目標地區。但係,邊啲單位間隔最適合你嘅想法?今次就帶大家嚟到將軍澳,一齊搵吓啲靚間隔嘅屋苑啦。

將軍澳盤源都唔少,但係寶琳站上蓋嘅新都城,絕對係區內數一數二嘅大型屋苑。新都城分三期,分21楝物業,合共超過6,700伙!單位數量龐大,交投熾熱非常。屋苑主打2-3房單位,設計四正,實用率高達八成,而兩房單位嘅數量就比較多,唔少都係眼鏡房無走廊式設計,空間闊落又好用。講到生活,屋苑三期都有獨立會所,方便住戶使用,而樓下就擁有區內數一數二嘅大型商場:新都城商場。加上屋苑都係包圍着寶琳站而建,仲有獨立天橋同通道直達車站,出入往往都係幾分鐘內嘅事,樓下亦有巴士總站,提供大量嘅巴士同小巴點對點往返。

靚間隔嘅盤並非寶琳獨有,行過少少坑口站亦有好介紹,先睇下海悅豪園。屋苑設有兩座大廈,大約700幾個單位,雖然規模唔算大,但係屋苑單位裝修用料靚就出晒名,而且唔少住戶都認為相比其他屋苑,房/廚/廁都更大更見使,而且窗戶對流通風,設計相當有心思。屋苑自設會所同商場,照顧晒住戶嘅衣食住行同娛樂。電梯直落地面,行過對面街就係坑口站,上落往返都非常方便。臨上車前想行吓街,坑口站貫通附近四大商場,隨你心情去選擇行街路線!

除咗海悅豪園,附近亦有一啲靚間隔居屋,例如富寧花園。位於寶寧路25號嘅富寧花園,屬於私人參建居屋,由6座35層高嘅大廈組成,提供約2400個單位,屋苑以兩到三房單位為主打,其中一個最大賣點就係實用率高達九成,而且大房大廳,不設窗台,啱晒實用主義嘅買家。屋苑附近環境清幽,翠綠怡人,適合鍾意寧靜生活嘅朋友。交通方面,前往坑口站亦只需10分鐘,唔想行嘅話,屋苑旁邊亦有巴士總站提供多條往返九龍同周邊地區嘅線路。生活方面,行大約5分鐘就可以去到東港城,不過住喺富寧花園,又點可以唔行過去隔離嘅坑口村?村內有中西美食,大排檔,士多便利店等等,為你提供都市商場以外嘅另一種生活享受。

如想了解多啲關於以上屋苑嘅資訊?立即按此向客服查詢!

 

 

相關文章 :

【將軍澳、寶琳搵樓】 疊翠軒,英明苑,茵怡花園.實用配套一流景觀... 近年將軍澳的寶琳交通越來越豐富,加上起動九龍東計劃一步一步實施,商、住發展都充滿機遇,因此令到這一區的樓盤成為香港其中一個交投熱點。今次繼續...
【主題屋苑】喵?汪!盤點 3 個為主子而設的將軍澳屋苑... 將軍澳位於新界東,佔地面積龐大,橫跨 5 個港鐵站,甚至康文署的寵物公園亦有 3 個,可說是為各「寵寵寵」一族度身訂造。其中環保大道寵物公園...
【將軍澳搵樓】喵?汪!盤點 3 個為主子而設的將軍澳屋苑... 參見咁多位汪大人、喵大人,奴才有要事稟報!根據奴才調查所得,現時只有約 4 成屋苑可飼養寵物,對於全港接近 25 萬有飼養貓或狗的住戶來說,...
【坑口搵樓】煜明苑・安寧花園・廣明苑・交通與地利上車優秀選... 如果年輕人要上車搵樓,肯定聽過唔少人介紹將軍澳。由寶琳一帶直到坑口,其實都有唔少潛力上車盤。今次,我地要帶大家去到坑口附近一帶,睇下啲潛力盤...
【將軍澳搵樓】新寶城・東港城・將軍澳廣場・雅致靚則實用優厚... 身邊唔少朋友,成日都會趁假日睇樓,除咗睇價錢之外,唔少朋友都好著重間隔設計,實用比率。不如一齊去到將軍澳附近望一望,睇吓有邊啲靚間隔嘅樓盤?...
分享: