【將軍澳搵樓】疊翠軒,英明苑,Monterey・實用配套一流景觀

近年將軍澳寶琳交通越嚟越豐富,加上起動九龍東計劃一步一步實施,商、住發展都充滿機遇,因此令到呢一區嘅樓盤成為香港其中一個交投熱點。今次繼續嚟到將軍澳,一齊睇吓呢度附近有啲乜嘢實用盤。

行出寶琳站冇幾遠,就見到第一個要介紹嘅夾屋,叠翠軒。位於運亨路8號疊翠軒,由98年正式入伙,屋苑設有四座樓宇,提供1,424個單位,外牆嘅漸變顏色,亦係為咗配合周圍翠綠山景而設,非常有心思。由於屋苑採用現代化環保設計,令到每戶景觀視野充足,室內光線充沛,而且戶型設計多元化,比用戶更多不同嘅選擇。

生活方面,區內大型商場新都城就係旁邊,絕對可以滿足你消閑購物嘅需要。講埋交通,屋苑有兩座有蓋天橋連接附近寶琳站,步行距離都係幾分鐘嘅時間,想搭巴士,亦都可以去到因而花園旁邊嘅巴士總站,前往尖沙咀、沙田、中環等地。

離寶琳站冇幾遠嘅英明苑,亦都係一個熱門選擇。作為將軍澳傳統嘅居屋,經典嘅長廳格局,無窗台,實用比率高,係佢最受歡迎嘅地方,如果揀樓嘅時候間隔行先,絕對係值得推介嘅選擇。英明苑由五座大廈組成,單位數量有1750伙,物業採用新十字形設計,望見四周環境清幽,單位景觀以內園景同山景為主,唔好以為佢好偏僻,其實距離寶琳站都只係5至8分鐘嘅路程,而且寶琳站附近巴士小巴線路繁多,交通配套相當完善。屋苑旁邊就有大眾化嘅寶林商場,行幾分鐘,就有新都城呢個大型商場,買餸食飯,定係約朋友睇戲聚會,選擇到非常充足。

如果想選擇靚則私樓,手頭相對比較寬鬆嘅朋友,以下介紹嘅Monterey,一定啱你心水。喺寶琳站隔離嘅茵怡花園,外型設計獨特,由七座物業組成,屋苑主打600至700尺嘅兩房戶,但係同時亦都有三房連套房單位可以選擇。當年設計師因應每幢唔同嘅特性,令佢地達到可以自然採光,對流通風,同埋抵抗噪音嘅作用。屋苑平台除咗有街市同小店之外,行過隔離就係新都城中心,無論衣食住行,裡面都包羅萬有。除咗新都城之外,仲可以去隔離慧安園商場行吓街坊小店,絕對係另一種樂趣。交通主要以寶琳站為主,附近寶康路,亦有巴士站前往廣島東涌等等地方。小巴出觀塘只係10分鐘,交通選擇相當多元化。

聽完以上屋苑介紹,係咪仲想再知多啲?立即按此向客服查詢!

相關文章 :

【將軍澳搵樓】寶盈花園・唐明苑・康盛花園・優越上車新地帶... 今年將軍澳樓盤交投活躍,當中唔少都係年輕嘅上車戶。到底呢一個地方,有啲咩咁吸引佢哋?難道……呢度上車真係特別有着數?...
【全港】誰說香港的3房大戶都超千萬?便宜好房不服!... 如何能找到香港相對低價位,空間又比較大的優質好房呢?今天,三位代理帶來了3個較大戶型房源,而價格方面,和印象中香港的房價不一樣,有多驚喜,記...
【將軍澳搵樓】喵?汪!盤點 3 個為主子而設的將軍澳屋苑... 參見咁多位汪大人、喵大人,奴才有要事稟報!根據奴才調查所得,現時只有約 4 成屋苑可飼養寵物,對於全港接近 25 萬有飼養貓或狗的住戶來說,...
【將軍澳南搵樓】SAVANNAH・THE PARKSIDE・藍塘傲・碧海藍天人寵同樂... 碧海藍天,係唔少養寵物人士嘅心水居住地方,而且附近最好有齊支援寵物嘅設施,就更加係求之不得。香港呢個地方,邊度先有呢類得意嘅靚盤?去到將軍澳...
【坑口搵樓】煜明苑・安寧花園・廣明苑・交通與地利上車優秀選... 如果年輕人要上車搵樓,肯定聽過唔少人介紹將軍澳。由寶琳一帶直到坑口,其實都有唔少潛力上車盤。今次,我地要帶大家去到坑口附近一帶,睇下啲潛力盤...
分享: