【屯門搵樓】時代廣場.兆麟苑.置樂花園.成熟屋苑 優質享受

鍾意享受生活小區嘅人士,通常鍾情於去新界搵樓,而屯門唔少屋苑,其實都相當符合佢哋嘅要求。如果你都係追求生活質素……咁今集你就唔好錯過啦!

第一個介紹嘅時代廣場,相信留意開屯門盤嘅一啲都唔陌生,屋苑由五座物業組成,擁有近1300個單位。呢度提供一至三房間隔,2房為主打,不過相比周邊嘅屋苑,能夠提供一房間隔嘅戶型算係比較罕見,所以亦受到唔少上車客追捧。講到生活優勢,呢度屋苑嘅景觀係賣點之一,既有翠綠山景,亦有屯門公園嘅優質園景,平時落街散吓步,生活悠然寫意。 加上時代廣場距離屯門站只係5分鐘距離,總站下面仲要係巴士總站,交通極為方便。平時行街shopping,去到屯門時代廣場,或者V city,行街、食飯、睇戲通通冇難度。

跟住介紹兩個居屋盤,先講下兆麟苑,雖然佢係居屋屋苑,但係規模大,生活配套充足,十足一個小社區,啱晒生活至上嘅朋友。 兆麟苑有12座物業,提供約4200個單位,屬於區內較具規模嘅大型居屋屋苑!呢度提供傳統兩至三房戶型,冇窗台,實用率高,方便好多私人擺設嘅用戶,令佢哋隨意調配空間。由於屋苑規模大,所以樓下就有自己嘅公園、超市、食肆、商場,而且相對鄰近屋苑,呢度社區運動設施更加豐富同接近,行落樓下做運動真係相當方便。 雖然屋苑並唔近屯門站,不過樓下有專線接駁小巴,班次頻密,行出大街亦有好多港九巴士可以選擇。

第三個要介紹嘅,就係屯門區深受歡迎嘅置樂三寶之一︰置樂花園。 屋苑屬於私人參建居屋,八座物業提供1000個單位,主打2-3房單位,實用率、性價比高! 置樂花園樓下就係民生社區,商場、食肆、小店、街市林立嘅小社區,由於置樂花園就係樓上,大家就索性叫呢度做置樂街市, 而且呢度交通配套以公共交通為主,樓下巴士小巴路線豐富,接駁前往屯門站都只係幾分鐘,唔少都大讚返工返學非常方便!

如想了解多啲關於以上屋苑嘅資訊?歡迎向我們的在線客服查詢!

 

相關文章 :

【深井屯門搵樓】滿名山.愛琴海岸.香港黃金海岸.享受「黃金」自在生活... 遠離繁囂嘅外國情懷,對於唔少追求寧靜自在的人來講,係一種夢想嘅生活。 但係香港呢個石屎森林,邊度可以搵到啲地方?...
【瓏門】一躍「瓏」門 屯門身價百倍 屯門自西鐵線通車,交通網絡日漸完善後,出入市區更加方便,帶動不少上車客進駐。瓏門屬區內樓齡較新的二手物業,位處西鐵屯門站上蓋,擁大型會所及基...
【美孚新邨】換樓客千「孚」萬喚 美孚新邨為九龍知名的藍籌屋苑,向以方便及實用見稱,交通是一大優勢,本身已經毗連港鐵站美孚站,隨著西鐵線的落戶區內,加上眾多巴士及小巴穿梭往來...
【嘉湖山莊】從基建「動」悉天水圍 嘉湖山莊為區內大型屋苑,房型選擇多,價錢比市區樓便宜,而且屋苑綠化範圍廣,空間較大,環境舒適......
【沙田第一城】新界上車天堂 沙田第一城是沙田區內最大型的屋苑之一,鄰近港鐵石門站,部分單位望向城門河,環境較市中心清幽,屋苑擁兩座購物商場......
分享: