係好多年前,屯門區交通仍然未係咁方便,為咗吸引用戶,唔少樓盤嘅單位間格都設計得四正實用。而家屯門交通便利,呢啲間隔咁好嘅靚盤,立即成為搶手貨。今集就帶大家一齊去睇吓我嘅心水推介啦!
位於屯門南嘅豐景園,靠近碼頭同埋避風塘,除咗有海景加持之外,附近亦環境清幽。屋苑由五座物業組成,提供約1280個單位。豐景園嘅單位間隔以實用為主,主打300幾呎嘅眼鏡房,亦有少量3房單位提供,
如果你鍾意大房大廳的話,仲可以將兩間房打通成一間房添!屋苑旁邊就係三聖邨,平時唔少人都會慕名遠道而來食海鮮,住喺呢度?日日都有得嘆!屋苑旁邊就有輕鐵站,想出去大型商場shopping?搭幾分鐘車就搞掂。
另外一個出名間隔見使嘅樓盤,就係南浪海灣。2000年落成嘅南浪海灣,擁有五座物業,合共1264個單位。呢度嘅單位有二至三房戶型,但主攻2房間隔,而且全部大玻璃窗設計!由於屋苑位處屯門河同埋青山灣嘅交界,令到單位每個窗口見到嘅風景,都各有不同。屋苑亦設有大型私人會所,提供各式各樣嘅設施,再加大量綠化嘅庭園包圍,生活都相當寫意舒適。南浪海灣附近有豐景園輕鐵站,方便住客喺區內往返,而且附近大馬路巴士線選擇多,出中環或者旺角其實都只係35-40分鐘。
最後要介紹嘅靚則屋苑,一定有人估到,就係屯門居屋王 - 富健花園,富健花園屬於私人參建居屋,12座物業,提供3026個單位,屋苑主打兩至三房間隔,間隔四正,而且實用率高達八成半!追求實用至上嘅用家,一定流晒口水。富健花園沿屯門河而建,寧靜舒適,唔少單位仲可以睇到優美嘅河景。屋苑嘅內園非常大,吸引左各種唔同特色嘅地舖雲集喺呢度,令屋苑擁有一個私家購物圈,仲吸引埋旁邊屋苑啲人過嚟幫襯添。旁邊嘅新屯門商場,提供多元化嘅購物選擇,生活日常乜都齊!富健花園鄰近輕鐵站,同龍門居嘅巴士總站,出出入入都好方便架。
如想了解多啲關於以上屋苑嘅資訊?歡迎向我們的在線客服查詢!