沙田盤源多,屋苑戶型多元化,所以吸引咗各類層面嘅置業人士。如果閣下搵樓偏向鍾意靚間隔,實用至上的話,咁樣沙田區就一定唔會令你失望啦!
相信唔少人一定聽過大圍嘅金獅花園,屋苑13座物業分兩期發展,提供2768伙單位,提供1-2房單位,主打一房戶,單位內籠間隔四正,呎價更加性價比高,而且屋苑靠近山邊,環境清靜,日常購物可以去新田圍邨同埋新翠邨,大量食肆同埋便利店提供所需,唔好以為近山邊就係山旮旯,金獅花園交通配套非常完善。屋苑距離大圍站都只係8分鐘嘅路程!而且附近仲有大量嘅巴士路線來往港九各地。即使想行街shopping搵娛樂,坐一程巴士,就可以去到旁邊嘅沙田新城市廣場慢慢享受!
令一個喺沙田區嘅靚則屋苑,就係居屋豐盛苑啦!呢一個居屋樓盤提供超過2400個單位,分別坐落喺三座Y型大廈裏面。而屋苑採用和諧式間隔,所以完全冇走廊同窗台,無論裝修定係間房都非常方便,適合實用至上嘅人士!屋苑部份單位可以望到獅子山景,有部份高層係望向城門河景,生活環境都係上佳之選。屋苑附近交通配套亦非常充足,除咗巴士同埋小巴線路之外,屋苑行去車公廟站亦都只係8至10分鐘時間。聽日可以選擇去隔離新田圍村商場,又或者坐車去到沙田新城市廣場shopping購物。
不過沿着鐵路出發,去到沙田圍站,就見到今日第三個介紹嘅靚盤-博康邨,博康邨屬於區內著名公屋盤,八座大樓提供5400幾個單位,由零二年開始,屋苑納入左租置計劃,立即吸引咗唔少上車戶注意。由於公屋設計可以任意間隔,加上範圍四正實用,所以裝修擺放都可以用盡每一寸空間。當然靚間隔不在話下,而且屋苑鄰近沙田圍站,附近亦有大量巴士線提供,交通極之便利!而且去沙田,都只係一程小巴嘅時間。如果想留返喺附近消費,博康邨亦有自設商場,而且部份座數亦有民生小店提供,行過少少就有乾濕市場。邨內仲有多間出名嘅熟食大排檔,聽講附近嘅屋苑,唔少人都會慕名而嚟添!
如想了解多啲關於以上屋苑嘅資訊?歡迎向我們的在線客服查詢!