【馬鞍山搵樓】天宇海.曉峯灣畔.嵐岸.換樓新熱點

近年唔少換樓客聚焦馬鞍山,全因馬鐵通車之後,呢度嘅靚盤漸漸受到大眾注目!無敵海景,背山面海,成熟嘅配套發展,靜中帶旺嘅社區模式,係唔少換樓人士嚮往嘅理想生活地。今次,就帶大家一齊睇吓馬鞍山嘅換樓新熱點。

馬鞍山,除咗馬鞍山站附近大型屋苑外,由大水坑至到恆安站中間呢一段路,就有唔少換樓嘅黃金筍盤,例如曉峯灣畔!前身屬於夾屋嘅曉峯灣畔,屋苑超過一半嘅單位都擁有無敵海景,而且實用率高。單位主打兩至三房,大房大廳,部份高層單位設有露台。除咗吐露港無敵海景,天色好嘅日子,連遠方八仙嶺山景都可以一覽無遺。屋苑嘅會所亦相當多元化,康體設施全部齊備。行大約五至7分鐘,就可以去到大水坑站,附近街道巴士站,亦提供港九新界多條路線。

第二個要介紹嘅,就係面向沙田海嘅嵐岸。屋苑沿海而建,由6座物業組成,呈U字型排列,提供1030伙單位。呢度七成嘅單位擁有廣闊海景,而且戶戶有露台,供住戶行出室外欣賞。單位嘅面積,由600幾尺至到超過1300幾呎不等。屋苑嘅住客會所設施非常豐富,包括室內、外泳池,健身室,園林景致,宴會廳等等。平日生活,住戶可以去到錦泰商場購物,裏面生活百貨一應俱全。交通方面,屋苑鄰近恆安站同大水坑站,唔同座數嘅住戶,可以因應距離選擇!路程大約五至7分鐘左右。

不過閣下如果目標想換大單位,就唔能夠唔睇埋天宇海。天宇海由12座分層樓宇,同埋14座獨立屋組成,採用雙梯四戶設計,單位總數1143伙。分層單位面積介乎600至1000幾呎,而獨立洋房則大約1600幾呎。屋苑提供超過400個住客車位,而且物業電梯亦可以直達停車場,亦係一大賣點。呢度嘅住客會所,樓高五層,佔地9萬平方呎,屬於6星級配套。屋苑鄰近海濱長廊,住戶日常可以去附近踩單車或者跑步,都係一個休閒身心嘅選擇。交通方面,屋苑鄰近恆安站,行過去都唔使5分鐘!附近亦有唔少通往港九各區嘅巴士路線。日常生活,就可以去到馬鞍山站嘅馬鞍山廣場,新港城中心,入面有更多豐富嘅選擇俾你揀!

想了解多啲關於以上屋苑嘅資訊?歡迎向我們的在線客服查詢!

相關文章 :

【 馬鞍山搵樓】聽濤雅苑.銀湖·天峰.星漣海.新貴換樓潮流地... 自從馬鐵通車之後,馬鞍山成為唔少換樓客嘅必爭之地。呢度環境優美,背山面海,社區配套成熟,而且發展潛力巨大。今次要介紹嘅換樓熱點,絕對係唔少中...
【馬鞍山搵樓】馬鞍山中心.雅典居.曉峰灣畔.海天一角.走進馬鞍山特色屋苑... 自從馬鐵通車之後,馬鞍山社區得到迅速發展。呢個社區寧靜雅致,自成一角,係唔少追求生活享受人士夢寐以求嘅地方。今次一齊行吓馬鞍山,睇吓有邊啲令...
【馬鞍山搵樓】錦豐苑.錦泰苑.錦英苑.錦繡置業新勢力... 近年唔少年青人,將馬鞍山定位為首次置業嘅目標。自從馬鐵通車之後,馬鞍山唔少優質居屋逐漸出現喺大家眼前!沿海包圍,景色怡人,交通方便……種種優...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
【東涌搵樓】智能東涌 宜家宜居 自問走在潮流尖啄,無論衣食住行定屋仔、車仔、老婆仔、BB仔邊一方面都需要把握先機,只有快人一步先可以理想達到!...
分享: