鐵路上蓋物業一直係升值保證！上車客預算唔多，又想追求交通方便，金禧花園就係較親民上車私樓！
金禧花園樓齡超過30年，但位於大圍交通黃金地段，同港鐵大圍站只有5分鐘步程，亦有巴士直達觀塘、灣仔等地，性價比相當高，深受上班一族歡迎。而且，屯馬線開通後，呢區更享有三鐵匯聚優勢，成為業主追求自住、升值一大動力！
以大圍中型私樓黎講，金禧花園主攻呎碼較細嘅2房，實用面積大概300幾呎，6座大廈，大約750個單位，累積唔少上車人氣。黎過大圍踩單車都知道，市中心食肆眾多，除咗街坊式茶餐廳，特色豆腐花更加遠近馳名，人流非常暢旺。雖然金禧花園無提供住客會所，不過就有平台花園同戶外泳池搭夠，為住客提供康樂選擇。至於基座金禧商場，開設少量食肆同小型商舖。追求景觀嘅買家就要留意，金禧花園每座大廈呈兩行排列，前排中高層單位可以越過附近樓景，遠望城門河同翠綠山景，呢類靚景單位往往較受歡迎。
金禧花園位於88小學校網，沙田區中學，屬於新界區名校網之一。當中包括：沙田崇真中學、沙田官立中學、浸信會呂明才中學等等，上車家庭可以幫仔女逐一選擇。