【1% Anthony】負面思想 幫唔到你買樓

讀者來信

Anthony Sir你好!最近睇一些前輩的文章,看他們分享經驗,如何上車樓,如何一間變幾間,財務自由,心裡非常羡慕,但又很失望,以前樓價平,當然做得到啦,而家可以做到咩?

 

回覆讀者來信

完全理解,經常都有年青朋友這樣留言!

是的,以前買樓的確比現在容易!一來樓價比較便宜,二來沒有那麼多辣招,按揭借貸較容易,話加按就加按,無論上車也好,一間變兩間,兩間變四間也好,都更容易做得到。

於是很多年青人埋怨:「以前梗係做到啦,而家做到咩?」其實,而家都做到!只是難度高咗,需要的時間同技術都多咗!

最初見到這些負面留言,我都會嘗試分析,然而很多網友的負面想法已經深入血深入骨,無論我如何鼓勵他們,他們總是會想出十萬個理由去反駁,甚至會花時間、花精神去找很多數據反駁,找很多專家的分析來證明:「而家做到咩?」

負面想法,對你的將來沒有幫助!就算證明到「而家做唔到」又點?對你的將來沒有幫助!無論買樓也好,工作也好,負面想法,對你的將來都沒有幫助!

試想想,拗到面紅耳熱,無非都係一句:我買不起!這句說話很危險,隨時令你貧窮一輩子!這是窮人的語言!因為這句說話會引領你去想負面情況,明明得,都變唔得!

如何才幫到你呢?要多跟自己說:我如何買得起?

這句話才能令你致富!這是有錢人、成功者的語言!

因為這句說話會引領你去想方法,衝破難關!

第一步,你要客觀地看看,買樓是否真的不可能?

如果真的如你所說,應該個個都買唔到樓,事實呢?買到樓的年青人仍然很多,新盤大排長龍,二手稍為減價就幾枱客爭,就以筆者的學員為例,即使沒有父幹、母幹,頂多一兩年就儲到首期上車買樓了!證明買樓雖然比以前難,但並不是不可能。

 

第二步,培養正面思維,想想如何才可以買得到!

既然那麼多人做得到,為甚麼自己做唔到呢?與其花那麼多精神去爭論,花那麼多時間去證明自己買唔到;為甚麼不多花精神及時間去想想,如何買得到呢?網友說的也不是全然不對,以前得唔代表而家得,環境有變,政策有變,前輩的成功經驗,你是不能100%複製的,你要學習的是思維與技巧,因為當前情況,演繹不同方法,例如以前可以不斷加按再買儲樓,現在就要每三四年就換樓,然後再用不同的家人買,買到冇晒名,就再學習不同的物業例如工商、大陸樓,開拓自己的視野,方法總比問題多,用正面思維開拓未來,總好過被負面思維困鎖人生。

 

相關文章 :

【1% Anthony】讀者來信:財務自由要有目標... Anthony Sir你好!上星期我都有睇「我要做業主」,見到你們的戰友只有35歲就已經財務自由了,很羡慕啊!現在樓價咁貴,如果想好似她一樣...
【1% Anthony】自住需要與投資需要 我今年30歲了,還未有計劃結婚生仔,身邊好多朋友都叫我買樓,其實我是跟家人住的,仲有自己的房間,根本就沒有自住需要,仍然需要留意樓市,需要計...
【1% Anthony】一間變兩間 要家人齊心 朋友:  而家咁多辣招,想一間變兩間,冇可能啦!筆者:  自己一個係難嘅,家人齊心就好易做到!想一間變兩間,首要條件是…家人齊心!日前筆者與...
【1% Anthony】收入低買到樓嗎? Anthony Sir你好!想買樓投資,但我的工作收入不多,根本就不能通過壓力測試,有機會可以買到樓嗎?...
【1% Anthony】讀者來信:買樓是付出還是機會?... 我都讚成朋友所講,買樓是好的,但始終我還是鼓唔氣勇氣,每次想到要好辛苦儲錢儲首期,每次想到買樓之後要供樓,個個月人工唔見一大截,就覺得好辛苦...
分享: