有老友說今年歐洲國家杯我又估中,他在意大利仍然是一賠七的時候已經買了,問我為何可以估得咁準?我說,愈早下定決心買一隊,反而會集中注意力去分析那隊波,一個不覺那隊波贏冠軍就「肥過豬仔」。但如果分場買,反而要分析兩隊,反而沒有那麼準確。例如在決賽,如果我不是買了意大利,我多數會買英格蘭,有人話愈早買,如果真係贏到冠軍,可不可以叫坐享其成?我認為應該叫坐享其「乘」,因為派彩會乘多幾倍。
友人說,除了估波,樓市我亦估中,今年初我話樓市有10-15%升幅。不少專家撰文說我傻,有咁多人移民賣樓,樓價又點會升?就算樓市升,都會在下半年,當疫情緩和,超過七成香港人願意接種疫苗,開關之後才可以發生。老友問,為何樓市在疫情未通關的情況下,上半年已經上升,老友可能不明白,香港人不怕蝕底,最怕執輸,所謂執輸行頭,慘過敗家,既然知道香港有機會通關,樓市下半年有很大機會上升,為何要等到下半年才入市?上半年不入市。盡早入市,不但是坐享其成,而且是坐享其「乘」,早入市賺多好多。