以前，提到屯門， 只會諗到好隔涉，配套較為遜色，交通就更加唔好提。 不過發展到今時今日，呢啲觀感，因為一條鐵路，全部都要改寫！

自從西鐵通車之後，屯門出尖沙咀車程大約40分鐘， 再加上屯馬線，直頭將屯門接通各區， 既可直達新界東，又途經九龍中、最新商業區啟德新發展區等， 交通方便咗，亦帶動屯門區嘅生活配套、社區資源變得更完善。 屋苑就近港鐵站，吸引力大增，升值潛力更毋須多講。

事不宜遲，介紹幾個近港鐵站嘅屯門屋苑俾大家。 首先喺由新世界發展，位於屯門市中心鄉事會路的天生樓， 項目鄰近屯門西鐵站及輕鐵屯門總站，佔盡鐵路優勢。 除此以外，天生樓附近亦有多條專線小巴，穿梭各區。 天生樓屬單幢式住宅，2018年入伙， 樓高27層，每層有4伙，有兩部電梯， 提供100個單位，實用面積由241呎至843呎， 間格有開放式、及兩房至四房單位，大部份設有露台。 天生樓另一賣點是生活配套齊備， 旁邊是屯門新墟街市，買餸平、選擇多， 附近同樣有唔少食肆、小店，好多街坊都鍾意嚟。 數到大型購物商場，鄰近有V City， 日式超市，食肆等應有盡有。

另一個要介紹嘅喺屯門市廣場， 是屯門市中心較有規模嘅私人屋苑， 由信和置業發展興建， 屋苑共有8座，分為三期， 總共提供近2000個單位， 間隔四正，主要是兩房兩廳及三房兩廳， 面積介乎300幾至500幾呎，非常實用。 屯門市廣場最大賣點唔駛講都喺交通， 除咗近屯門西鐵站外，一落樓就有途經荃灣，旺角等地的巴士總站同輕鐵站， 亦有跨境巴士，經深圳灣往返內地城市， 啱晒跨境工作嘅人士。 而基座屯門市廣場亦是購物熱點，而且連接多個商場，形成一個購物商圈。 除咗有日式百貨、連鎖食肆、更有大型戲院、潮流店舖等，購物選擇多。 屋苑有會所，運動設施包括泳池、羽毛球場、藍球場及網球場等。

跟住介紹既屋苑，雖然距離西鐵站遠少少，但勝在價格相宜， 講緊嘅就係康德花園。 由大昌集團及華懋合作興建的康德花園， 位於屯門石排路，大興花園旁邊，樓齡雖然超過30年， 不過已經完成大廈外牆及電梯大堂翻新工程，業主可謂無後顧之憂。 康德花園有三座，樓高30層， 每層8伙，提供708個單位， 兩房及三房間格，呎數介乎479至623呎，實用率達七成半， 是區內抵買的上車盤。 屋苑有停車場車位近150個。 公共交通方面，附近有車去市中心西鐵站，都只不過五分鐘車程， 附近亦有多條村巴線，往返港島及九龍，返工就更輕鬆。

再講下屯門區嘅康體設施， 區內設有運動場，亦有多個體育館， 而屯門公園更加滙聚唔同年齡層人士， 喺度享受假日的悠閒。 而屯門大會堂及屯門公共圖書館等， 亦在市中心地帶，非常就腳。

還想了解更多屯門屋苑？立即按此查詢！