荃灣係一個充滿特色嘅地方，飲食娛樂，優質靚景，生活體驗，全部都包羅萬有，唔少中產家庭，都會選擇荃灣作為安居之地，唔知道以下三個屋苑，你有心水未？

第一個要介紹嘅係全．城滙，有華懋同埋港鐵共同發展，7座物業，提供953個單位，仲有一至三房戶，主打兩房單位！加上有超過一半嘅單位，都可以有海景享受，所以受到唔少中產人士注意 屋苑最令人舒服嘅地方，除咗海景之外，就係被公園所包圍！雖然喺城市當中，仍然可以感受到青綠嘅氣息！ 呢度會所連平台花園超過50,000尺，入面設施配套豐富齊備，令住戶喺屋苑內都可以有精彩嘅私人空間，加上樓下就係如心廣場二期，大把購物選擇！而且商場設有五條天橋，連接西鐵、以及其他購物熱點，無論出入上落都非常方便。

果你係追求海景嘅住戶，咁樣柏傲灣就好可能係你嘅心水選擇！ 18年入伙嘅柏傲灣，由2座物業組成，提供983個單位，開放式以至四房單位都有，以兩房為主打，面積介乎300 幾至1300幾尺。 屋苑本身設計都好有風格，用遊艇作為設計概念，所以唔少裝修用木板製造甲板嘅感覺！加上海景照應，隨時有種「揚帆出海」嘅感覺，人都健康啲丫！ 加上行幾分鐘就到西鐵站，附近亦都有唔少交通工具俾你選擇，出入絕對非常方便。 屋企有style，樓下生活配套更加Lifestyle！附近有多個大商場包圍，而且亦有唔少便利嘅民生小店，食屎林立，簡直就係生活嘅好拍檔！

如果閣下係喜愛生活寧靜，想離開鬧市，荃灣區都有好選擇，就好似縉庭山！ 屋苑開則多元化，由1房至4房都有，面積介乎280至1200呎，選擇空間彈性大，適合不同類型換樓客 屋苑位置環境清幽，無論空氣定係整體環境都非常舒適，鍾意做戶外運動嘅人士肯定覺得特別吸引！ 但係千祈唔好以為呢度好隔涉，行過去大窩口站5分鐘就到，樓下附近都有巴士同小巴直達荃灣。 加上呢度附近好多價格親民嘅生活店舖，而且全部都係行幾步就到，生活真係顯得更加健康！