九龍灣係香港人口集中嘅聚居地，除咗眾所周知嘅交通便利之外，原來呢度仲好有生活品味。 今次介紹嘅屋苑，可能就啱晒對生活有追求嘅你 ！

係80年代中期入伙嘅得寶花園，係九龍灣其中一個著名屋苑，人稱九龍灣三寶之一。整個屋苑由八座物業組成，提供約2000個單位。接近7成嘅單位都係一房式設計，平均面積大約250至300呎之間，剩底三成就係接近400尺嘅兩房單位。得寶花園雖然冇住客會所，但就擁有屋苑室外泳池，同區實屬罕見。而屋苑最大特色，就係擁有自設嘅特色商場－牛下新城。得寶商場 2016年翻新重建，改名「牛下新城」。整個商場以拆卸嘅牛頭角下邨作為主題，除咗充滿咗懷舊氣息之外，仲有唔少嘅美食同小店進駐，成為九龍灣一大特色。交通方面都唔需要多作介紹啦，得寶花園距離九龍灣站大約只係5分鐘左右嘅距離，而且港鐵站附近遍布大量嘅巴士線，去邊都咁方便。

如果你鍾意九龍灣，又想附近環境比較綠化啲嘅，樂雅苑應該就係一個唔錯嘅選擇。 位處於振華道嘅樂雅苑，屬於80年代中期嘅居屋。屋苑以六座組成，全部一梯八伙，合共1331個單位。而大部份都係接近500呎嘅兩房兩廳間隔，四正又實用。屋苑景觀主要係佐敦谷公園同埋山景為主，某啲地方嘅景觀翠綠幽美，十足西貢一樣翠綠怡人。平時假日可以去到佐敦谷公園，同朋友或者一家大細野餐消閒，都係一件賞心樂事。由於屋苑連接附近嘅樂華北邨，住戶可以共享村內嘅設施，裡面由街市到民生小店都一應俱全。如果鍾意行街睇戲同埋shopping，附近嘅淘大商場同埋德福廣場，亦都可以滿足你嘅願望。

不過行到嚟德福廣場，冇理由唔介紹呢一區嘅地標屋苑－德福花園。作為東九龍首個鐵路上蓋屋苑，德福花園咁多年來都係區內置業嘅熱門首選。屋苑一共有41座，供應接近5000個單位。單位嘅戶型比較多，但都係以兩房設計為主，面積大約500-600呎左右。德福花園其中一個熱門原因，就係單位夠實用，普遍都接近9成實用率。不過最令呢度嘅住戶感到幸福，除咗係九龍灣站上蓋之外，就要數到呢個嘅最強生活圈，樓下就已經係著名嘅德福廣場，潮流、生活、美食、娛樂都已經樣樣齊備。如果想多啲選擇，仲可以喺交通交匯處乘坐前往MegaBox，九展等等嘅大型商場，行完就可以坐返專車返屋企，方便程度真係區內罕見。兩站之隔嘅觀塘，大量開倉、隱世小店，隨時任你發掘。鍾意去shopping買嘢嘅人士，德福花園簡直就係一個理想嘅生活天堂。

聽完以上屋苑介紹，係咪仲想再知多啲？立即按此向客服查詢！！