【屯門搵樓】澤豐花園.翠林花園.景峰花園.三大靚則「花園」全面睇

好多追求單位實用靚間隔嘅人士,都特別鍾情於居屋盤,而屯門就有唔少靚則居屋,設計格局甚至同私樓有得揮。同樣亦都會有一啲隱世嘅優質、靚則私樓唔多人知,今集就帶大家一齊發掘。

講到屯門嘅優則居屋,澤豐花園絕對係一大熱門,澤豐花園屬於私人參建居屋,五座物業,提供2208個2-3房單位。單位冇窗台設計,實用率高達九成以上,追求靚間格價買家仲唔流晒口水?屋苑沿屯門河而建,佢嘅亭林內園,更加係獲獎嘅設計,令唔少單位都可以望到河景、山景或者優質嘅內園景。屋苑樓下就有澤豐商場,提供超市街市以及食肆等等嘅選擇,旁邊仲有卓爾廣場同大興花園,令你享受更多購物體驗。澤豐花園樓下就有輕鐵站,穿梭區內,想坐巴士?行過虹橋,就有港九巴士提供。

區內亦有另一個私人參建居屋深受歡迎,講緊嘅就係景峰花園。屋苑由五座樓高30層嘅大廈組成,提供超過1500個單位。呢度主打兩房戶,實用率接近九成,生活環境靜中帶旺,絕對係區內嘅「優則」盤源!生活方面,景峰花園自設商場,裏面有唔少嘅餐飲以及生活店舖,而且呢度附近亦有唔少街鋪、便利店等等,價格親民。屋苑樓下就有輕鐵景峰站,兩個站就到屯門兆康西鐵站,出尖沙咀半個鐘就到。

睇完居屋,就係時候帶大家睇吓啲實用靚私樓,翠林花園就係其中一個隱世靚盤!恆基兆業發展嘅翠林花園,由5座30層嘅大樓組成,共有960個單位,第一至三座主打兩房單位,第四至五座就主打兩房兩廳,實用面積介乎330至770呎之間。呢度單位實用率接近八成,間隔四正,方便擺位設計,而且屋苑有泳池、兒童遊樂場以及私家花園,更覺性價比高,翠林花園附近有卓爾廣場、大興邨商場、同埋大興花園嘅民生地鋪,足以完全滿足日常生活嘅需求。交通亦都非常方便,喺屋苑外坐輕鐵, 5分鐘就可以去到屯門站,以平日繁忙時間,大興花園亦有多條港九村巴路線,可供選擇。

客服熱線:2311-1200

相關文章 :

【屯門搵樓】兆山苑.富健花園.啟豐園.屯門河畔上車寶地... 屯門,相信係唔少年青人上車嘅第一個搜尋地點!全因為呢區嘅樓價門檻較低,令到唔少置業人士前來尋寶。我哋今集,就聚焦喺屯門河同蝴蝶灣一帶嘅上車靚...
【屯門搵樓】錦華花園.康德花園.盈豐園.鐵路屋苑潛力選... 十幾年前,屯門交通仲未係咁方便,令到唔少買家因而卻步。今時今日,西鐵、輕鐵貫通新界區,九龍入新界,隨時快過過海 所以今集就帶大家一齊睇吓,屯...
【屯門搵樓】新圍苑.良景村.兆軒苑.屯門首置不求人.居屋公屋大搜查... 如果住喺屯門嘅朋友一定知道,田景、建生附近,唔少屋苑都係上車熱門。所以今集介紹一啲年青上車客嘅好盤源,又點可以唔唔介紹幾個性價比高,又大受歡...
【屯門搵樓】大興花園.新屯門中心.兆隆苑.年青上車盤.屯門三大精選... 屯門區,樓價門檻低,屋苑質素普遍高,以上種種成為唔少上車人士嘅睇樓第一站。今集,我地就一齊睇下三個屯門不同地段嘅上車屋苑,有冇邊個啱你心水!...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
分享: