【屯門搵樓】瓏門.星堤.卓爾居.屯門屋苑款式多變化

自從西鐵開通後,入屯門同出港島區時間都係差不多, 加上呢區風景優美,靜中帶旺,而且樓價門檻低,立即吸引唔少換樓人士入嚟尋寶。 今次,我哋就帶大家一齊睇吓屯門換樓嘅熱點!

今年掃管笏路越來越多人搬入去住,其中星堤特別受到歡迎 屋苑屬於中低密度設計,由10座分層樓宇,以及30座獨立屋組成,提供459個多元化單位, 由複式單位,連花園單位,以及頂層相連大單位都有,絕對係換樓人士嘅天堂! 平台花園同會所佔地約400,000平方呎,充滿藝術氣色,同時亦鄰近大欖郊野公園,恍若置身城市森林。 屋苑同黃金海岸商場只係一街之隔,喺屋苑嘅主要休閒購物場所。 交通方面,屋苑樓下有巴士直出講到,亦有接駁巴前往鄰近嘅港鐵站。

如果閣下鍾意城市感重啲,熱鬧少少,卓爾居就適合你啦。 卓爾居分兩期發展,有六座物業,約1600個單位,車位都有300幾個, 屋苑主打兩至三房間隔,每戶12尺樓底,加埋大玻璃窗,仲要比河景同山景包圍,呢種享受真係冇得輸。 呢度嘅住客會所設施亦相當齊備,泳池、重健身、室康樂設施齊備,令你平日有更多享受。 卓爾居交通亦相當便利,樓下就有輕鐵站,如果想行去西鐵屯門站,都只係需要7至8分鐘。 日常生活,住戶可以選擇到屋苑幾坐嘅商場購物,又或者行5分鐘過河,對面就係屯門新墟,買嘢大把選擇。

頭先個位經過屯門站嘅時候,有冇抬頭望一望呢?佢嘅上蓋屋院瓏門,就係今日最後一個介紹嘅屋苑。 瓏門分兩期發展,七座物業,擁有1991伙單位。 屋苑超過一半以上單位都係2-3房嘅大單位,亦提供多個介乎1000幾至2000幾尺嘅特色單位,迎合中產換樓人士。 而屋苑嘅住客會所有世界級設計師親自打造,近乎你數得出嘅文娛康體設備都有齊晒,而且景觀亦極具氣派。 購物娛樂,就當然係屋苑基座嘅V city!呢個擁有30萬呎嘅地標商場,絕對可以包攬晒所有購物娛樂飲食嘅消閑活動。 如果想坐車出九龍,行落樓下西鐵站,出尖沙咀大概都係30幾分鐘, 而且旁邊嘅巴士總站,亦包攬晒港島市區同埋機場巴士路線,選擇多多,出行自然更輕鬆。

如想了解多啲關於以上屋苑嘅資訊?歡迎向我們的在線客服查詢!

相關文章 :

【屯門搵樓】兆山苑.富健花園.啟豐園.屯門河畔上車寶地... 屯門,相信係唔少年青人上車嘅第一個搜尋地點!全因為呢區嘅樓價門檻較低,令到唔少置業人士前來尋寶。我哋今集,就聚焦喺屯門河同蝴蝶灣一帶嘅上車靚...
【屯門搵樓】大興花園.新屯門中心.兆隆苑.年青上車盤.屯門三大精選... 屯門區,樓價門檻低,屋苑質素普遍高,以上種種成為唔少上車人士嘅睇樓第一站。今集,我地就一齊睇下三個屯門不同地段嘅上車屋苑,有冇邊個啱你心水!...
【屯門搵樓】錦華花園.康德花園.盈豐園.鐵路屋苑潛力選... 十幾年前,屯門交通仲未係咁方便,令到唔少買家因而卻步。今時今日,西鐵、輕鐵貫通新界區,九龍入新界,隨時快過過海 所以今集就帶大家一齊睇吓,屯...
【屯門搵樓】新圍苑.良景村.兆軒苑.屯門首置不求人.居屋公屋大搜查... 如果住喺屯門嘅朋友一定知道,田景、建生附近,唔少屋苑都係上車熱門。所以今集介紹一啲年青上車客嘅好盤源,又點可以唔唔介紹幾個性價比高,又大受歡...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
分享: