【泓都】臨海年輕私樓 區內罕有

 

港島西堅尼地城以單幢及小型物業主導,而臨海住宅屋苑就以泓都具有名氣。而且,屋苑位於西區傳統名校網,亦鄰近港鐵站,吸引中產家庭計劃進駐呢區。

泓都2005年入伙,屬於市建局重建項目,位處堅尼地城海旁。屋苑大約有1,182伙,係呢區伙數較多,兼具海景嘅新晉私樓,租賣盤同樣吸引唔少客源。

泓都由3座物業組成,單位間隔基本分4種,包辦1房至3房連套房開則,而且戶戶有露台!當中,又以2房為主導,大約830伙,佔總供應近7成;同時提供住客會所,有齊泳池、健身室等設施。

景觀方面,泓都臨海而建,以第1座最近海,無遮擋海景夠開揚;不過後面嘅第2、3座都有唔少單位望到海景。其實,屋苑樓下就係西區海傍,近距離欣賞卑路乍灣海景。

交通方面,自從港鐵西港島線開通,將堅尼地城連接中環商業區,車程大約8分鐘;基本上,住客由屋苑行去堅尼地城站,大約5分鐘就到,配合埋區內原有電車、小巴或巴士路線,令交通網絡更加完善。

不過要留意,泓都本身不設屋苑商場,住客日常生活就依靠民生街舖,臨海一帶亦有特色美食;如果想多啲選擇,住客可以去西寶城商場,呢度有酒樓、超市、日用品店等。應付住客購物需要。

不過講到最大賣點,就係泓都屬於11小學校網,係香港四大校網之一,雲集傳統名校,大多數名列前茅。當中包括:聖士提反女子中學附屬小學、嘉諾撒聖心學校、般咸道官立小學、聖公會聖彼得小學等等。至於,中西區中學就有英皇書院、聖士提反女子中學、聖若瑟書院、聖保羅男女中學等等,相信家長有唔少心水選擇!

客服熱線:2311-1200

【港島西】樓下遍地米其林 隔壁港大書香氣 8分鐘到中環 瞭解?... 又來到我們的「區區有看頭」,上一期為大家介紹了最近大勢的港島南,如果說那是工廈區活化,那今天就是老城區新貌,看下面這張照片知道是哪裡了嗎?...
【九龍站】王嘉爾3,880萬買的豪宅 現在幾錢?... 去年這個時候,出生在香港的大熱偶像明星王嘉爾以3,880萬港元買下新豪宅地段、基建之王、海陸通全能地段九龍站一套房子。如今樓盤價位多少?又有...
【一手攻略】KOKO HILLS至齊懶人包 最近多個一手新盤計劃推出市面,其中會德豐位於茶果嶺的KOKO HILLS今週推出價單,吸引附近換樓客眼球。今次小編為大家介紹KOKO HIL...
【何文田】劉德華、陳慧琳的鄰居賣房子了!... ​本期又有新的網紅代理營業啦!掌聲有請何文田區,豪宅親民兼備、學區房能手Fiona!本期有性價比超高的較小戶型、亦有靜中帶旺的超級大戶、當然...
【東半山】對面是馬場,鄰居是富豪,這個地段有多靈?... 「賽馬」在香港一直是一項富豪活動,不僅如此,跑馬地和沙田兩大馬場帶動著周邊物業形成了不折不扣的豪宅住宅圈。今天來【二手看房團】營業的是港島東...

分享: