【1% Anthony】讀者來信:財務自由要有目標

讀者來信

Anthony Sir你好!上星期我都有睇「我要做業主」,見到你們的戰友只有35歲就已經財務自由了,很羡慕啊!現在樓價咁貴,如果想好似她一樣透過買樓財務自由還可行嗎?要怎麼做呢?

 

回覆讀者來信

第一,要有清晰的目標!

越早訂立目標,越早財務自由

目標一定要清晰,而且要有計劃,就以「我要做業主」中的實證個案,我們的80後同事Cola為例,由一開始,就選定以買樓投資作為工具,然後一步一步向目標進發。

絕大部份人買樓,都是見人買我又買,唔知自己想點!

一時又想自己住,一時又想賺錢,一時又想收租,最後呢?平又唔敢買,買咗之後,貴又唔敢賣,楂住個單位十年八年,都唔知為乜。主角的目標很清晰,最緊要成本低,可以盡早上車,地方細自住條件麻麻唔緊要,最緊要賺錢,然後就是一變二、二變四,目標非常清晰,所以很短時間就達標了。

 

第二,要不斷增進知識!

以前沒有辣招,買樓投資很簡單,全部買住宅就可以了。

先買一間自己住,樓價升了,就加按套現,然後再買一層收租,如此類推,很快就可以變出幾間,很快就可以財務自由了。現在辣招多多,又有非首置15% 印花稅,借按揭又有壓力測試,想買多層都難。再加上近年樓價急升,租金回報下跌,如果想要財務自由的話,用以前的儲樓模式已經不可行了。所以今時今日想要透過買樓投資達至財務自由,必須要不斷增進知識,跳出Comfort Zone!

很多人就是不願意學習,走得很慢,甚至原地步。

就以實證主角Cola不同,不斷突破,第一步當然是自己買住宅,然後當然就是叫家人一起再買住宅,買到冇晒名冇晒貸款額了,就跟我們的團隊一起進軍工商物業,因為非住宅物業不受辣招限制。然後又再買大陸樓,非香港物業,當然也不受限制。就這樣,合情合法之下,衝破了辣招的限制,繼續倍增資產。

 

第三,要有解決問題的能力,要有團隊!

很多人都話…想財務自由,很多人都話…想發達!

但有幾多人真的會付諸行動?舉例說,每天都有很多網友、朋友問筆者關於買樓投資的意見,筆者都會解答,也會告訴他們方法,然而有幾多人真的會行動?香港人工作壓力大,每天都要營營役役,覺得財務自由很遙遠,覺得很多困難,覺得做唔到,於是很容易就會放棄,會忘記買樓投資這重要事情。

買樓投資跟做生意一樣,會遇到很多困難,選擇解決還是逃避?

初初開始買樓投資,確實會遇到很多困難,可能首期唔夠,可能收入唔夠,可能唔識揀、諗唔通、睇唔透。如果你身邊的人都是負面情緒爆燈的人,很難有作為,如果身邊的人都是充滿正能量的投資者,遇到問題就會解決,例如我們團隊,買住宅受制辣招,就轉戰工商廈、大陸樓,方法總比問題多。

【1% Anthony】財務自由要有目標

1% Anthony

TVB【我要做業主】、【有樓萬事足】、【Ben Sir睇樓團】等顧問,暢銷書《上車又住又賺》、《買樓上車防中伏》等作者,「1% 投資培訓學院」創辦人。過去十年協助無數年青人上車,無數小業主財務自由,近年與團隊進軍「大陸樓」、「工商廈」及 「舊樓收購重建」等領域。

相關文章 :

【1% Anthony】一間變兩間 要家人齊心 朋友:  而家咁多辣招,想一間變兩間,冇可能啦!筆者:  自己一個係難嘅,家人齊心就好易做到!想一間變兩間,首要條件是…家人齊心!日前筆者與...
【按揭保險】甩保實戰大拆解 教你慳供樓開支!... 置業人士如要申請按揭保險,需要支付按保費用,如果選擇一次付清,按保費用由1.15%至5.04%不等,視乎按揭成數及最長還款年期而定。但如果在...
【1% Anthony】負面思想 幫唔到你買樓 Anthony Sir你好!最近睇一些前輩的文章,看他們分享經驗,如何上車樓,如何一間變幾間,財務自由,心裡非常羡慕,但又很失望,以前樓價平...
物業都有「價值投資」?分析師解構大數據應用|特別嘉賓:陳樂怡、劉嘉輝... 旺巿逢買必升?想趁勢入手潛力盤,忌跟風人芸亦芸,住宅價值如何衡量?租買策略有何不同?今集請嚟樓巿及金融分析師,教大家由地區及屋苑Big Da...
【新增放寬樓花按保】買樓|租屋|按揭全攻略2023... 新手救星!全方位置業指南!一文掌握一手二手買賣流程、租樓貼士、按揭、印花稅及放租需知等,為「置」富人生做足準備!...
分享: